मुंबई शेतकरी आंदोलन : ‘राज्यपालांकडे कंगनाला भेटण्यासाठी वेळ, मात्र शेतकर्‍यासांठी नाही’ – शरद पवार
file photoमुंबई : पोलीसनामा ऑनलाइन – कृषी कायद्याविरोधात सोमवारी हजारो शेतकरी मुंबईच्या आझाद मैदानावर जमा झाले. महाराष्ट्रातील विविध जिल्ह्यातील शेतकरी येथे पोहोचले असून माजी केंद्रीय मंत्री आणि राष्ट्रवादीचे अध्यक्ष शरद पवार यांच्यासह महाराष्ट्रातील अन्य नेतेही या कार्यक्रमास उपस्थित आहेत. कृषी कायद्याच्या मुद्यावर शरद पवार यांनी केंद्राला घेराव घालून सांगितले की, हे कायदे चर्चा न करता पारित केले गेले.
शेतकर्‍यांच्या या बैठकीत माजी केंद्रीय मंत्री शरद पवार म्हणाले की, आज देशभरात शेतकरी आंदोलन शांततेत सुरू आहे. दरम्यान, राज्यपालांना कंगना रनौतला भेटायला वेळ आहे, परंतु आंदोलन करणार्‍या शेतकर्‍यांना भेटायला वेळ नाही. पवार पुढे म्हणाले की, केंद्राने कृषी कायदे कोणत्याही चर्चेविना पारित केले, ही घटनेची खिल्ली उडविणे आहे. जर तुम्ही केवळ बहुमताच्या आधारे कायदा केला तर शेतकरी तुम्हाला संपवून टाकतील. ही केवळ सुरुवात आहे. महाराष्ट्रात असे राज्यपाल कधी आले नव्हते, ज्यांना शेतकऱ्यांशी भेटायला वेळ नसतो.
महाराष्ट्राचे माजी मुख्यमंत्री देवेंद्र फडणवीस यांनी आझाद मैदानावर झालेल्या शेतकरी मेळाव्यात म्हटले की, काही लोक शेतकऱ्यांची दिशाभूल करीत आहेत. राष्ट्रवादीने 2006 मध्ये कंत्राटी शेतीस मान्यता दिली. अशा परिस्थितीत जर केंद्रानेही हाच कायदा आणला तर त्यात वाईट काय आहे. या दुपट्टीपणावर कॉंग्रेसने उत्तर द्यावे.
दरम्यान, कृषी कायद्याविरोधात सुरु असलेल्या शेकरी आंदोलनाच्या समर्थनार्थ राज्यभरातील हजारो शेतकरी मुंबईच्या आझाद मैदानावर आहेत. रविवारीपासून शेतकऱ्यांनी येथे तळ ठोकला आहे. नाशिक, लातूर, भिवंडी, पुणे येथून मोठ्या संख्येने शेतकरी येथे दाखल झाले आहेत. अनेक राजकीय नेत्यांनी देखील या ठिकाणी हजेरी लावली. पर्यटन मंत्री आदित्य ठाकरे हेसुद्धा यावेळी उपस्थित राहणार होते, पण त्यांनी त्यांच्या वतीने प्रतिनिधी पाठविला. आझाद मैदानावर मोर्चानंतर शेतकऱ्यांना राजभवनापर्यंत मोर्चा काढायचा होता. परंतु सर्व शेतक्यांना तेथे जाण्याची परवानगी नाही. अशा परिस्थितीत आता केवळ 23 शेतकर्‍यांचे शिष्टमंडळ राजभवनात जाऊन मागण्या मांडतील.