पोलिसांनी या प्रकरणात काहींना अटकही केली. परंतु, त्यांच्याकडे आढळलेली शस्रे कोठून आली याचा अद्याप शोध लागला नाही. इतवारा पोलिस ठाण्याच्या हद्दीतही घडलेल्या गोळीबाराच्या घटनेचा तपास जैसे थे आहे. शहरात सर्रासपणे पिस्टल, गावठी बंदुकीचा वापर होत असल्याने भितीचे वातावरण निर्माण झाले आहे.
शनिवारी मध्यरात्रीनंतर दोन वाजता तेजिंदरसिंघ मोहनसिंघ, मोनूसिंघ गाडीवाले, राजिंदरसिंघ व गुरूप्रितसिंघ कारपेंटर हे थांबले होते. एका कारजवळ तीन युवक सिगारेट ओढत होते. या चौघांनी त्यांना हटकले. या भागात तंबाखू, सिगारेटला मनाई आहे, असे त्यांना म्हणताच तिघांपैकी एकाने स्वत: जवळील बंदुकीने त्यांच्या दिशेने गोळी झाडली. सुदैवाने ही गोळी कोणालाही लागली नाही. त्यानंतर आरोपीने पुन्हा एक राऊंड झाडला. या घटनेनंतर आरडाओरड झाली.
काही नागरिक घराबाहेर पडण्याच्या तयारीत असतना आरोपी हरियाणा पासिंगचा नंबर असलेल्या कारमधून पसार झाले. गोळीबाराच्या घटनेनंतर पोलिसांनी लगेच नाकाबंदी केली होती.