Holi 2022 | होळी कोणत्या तारखेला आहे ? होलिका दहनाचा शुभ मुहूर्त असेल केवळ इतक्या मिनिटांचा, चुकवू नका
file photoनवी दिल्ली : वृत्तसंस्था – Holi 2022 | होळी सण येण्यास अवघे काही दिवस उरले आहेत. होलिका दहन फाल्गुन महिन्याच्या शुक्ल पक्षाच्या पौर्णिमेला केले जाते, तर चैत्र महिन्याच्या प्रतिपदा तिथीला रंगाची होळी खेळली जाते. यावेळी 18 मार्चला होळी साजरी केली जाणार आहे. होळीपूर्वी होलाष्टक सुरू होते. यावर्षी 10 मार्च 2022 पासून होलाष्टक साजरे केले जात आहे. होलाष्टकादरम्यान शुभ कार्य करणे वर्ज्य मानले जाते. होळीची तारीख आणि होलिका दहनाची शुभ वेळ जाणून घेऊया. (Holi 2022)
कधी आहे होळी (Holi 2022 Date)
हिंदू कॅलेंडरनुसार, होलिका दहन हा सण फाल्गुन महिन्याच्या पौर्णिमेला साजरा केला जातो. यंदा 17 मार्चला होलिका दहन होणार आहे. दुसर्‍या दिवशी 18 मार्चला रंगांची होळी खेळली जाईल.
होलिका दहन 2022 शुभ मुहूर्त (Holika Dahan 2022 Shubh Muhurta)
गुरुवार, 17 मार्च 2022 रोजी होलिका दहन
होलिका दहन मुहूर्त – रात्री 09:06 ते 10:16 पर्यंत
(कालावधी – 01 तास 10 मिनिटे)
शुक्रवार, 18 मार्च 2022 रोजी रंगाची होळी
होळीला होत आहे शुभ योग (Holi 2022 Shubh Yog)
यंदाचा होळीचा सण खूप खास असणार आहे. या वर्षी होळीच्या दिवशी अनेक शुभ योग होत आहेत. या वर्षी होळीच्या दिवशी वृद्धी योग, अमृत योग, सर्वार्थ सिद्धी योग आणि ध्रुव योग होणार आहेत. याशिवाय बुध – गुरू आदित्य योगही होत आहे. बुध – गुरु आदित्य योगात होळीची पूजा केल्याने घरात सुख – शांती नांदते. (Holi 2022)
होलिका दहन पूजन सामग्री (Holika Dahan Pujan Sahitya 2022)
– पाण्याने भरलेली वाटी
– शेणी
– कुंकू
– अक्षता
– अगरबत्ती आणि धुप
– फूल
– कच्चा कापूस
– कच्ची हळद
– मूग
– बत्ताशा
– गुलाल
– नारळ
– कोणतेही नवीन पीक
होलिका स्थापना विधी (Holika Sthapana Vidhi 2022)
ज्या ठिकाणी होलिका ठेवली जाते ती जागा गंगेच्या पाण्याने धुऊन शेणाने सारवली जाते. मधोमध एक लाकडी खांब लावून त्याच्या भोवती गाईच्या शेणाने बनवलेल्या शेणी रचल्या जातात. साधारणपणे रचलेल्या शेणीच्या ढिगावर प्रल्हादाची मूर्ती ठेवली जाते.
होलिका दहनाच्या वेळी प्रल्हादाची मूर्ती बाहेर काढली जाते. तसेच दहनापूर्वी चार शेणी सुरक्षित ठेवल्या जातात. एक पूर्वजांच्या नावाने, दुसरी श्री हनुमानाच्या नावाने, तिसरी शितळा मातेच्या नावाने आणि चौथी कुटुंबाच्या नावाने.
होळीची पौराणिक कथा (Why do we celebrate Holi?)
भगवान शिव आणि माता पार्वतीची कथा
शिव आणि पार्वती यांच्याशी संबंधित एका पौराणिक कथेनुसार, हिमालय कन्या पार्वतीची इच्छा होती की तिचा विवाह भगवान शिवाशी व्हावा, परंतु शिव त्यांच्या तपश्चर्येत गढून गेले. यावेळी कामदेव पार्वतीच्या मदतीला धावून आले.
त्यांनी पुष्प बाण मारला आणि भगवान शिवाची तपश्चर्या भंग झाली. भगवान शंकराला याचा खूप राग आला आणि त्यांनी तिसरा डोळा उघडला. त्यांच्या क्रोधाच्या आग्नीत कामदेवांचे शरीर भस्मसात झाले. त्याचवेळी शिवाने पार्वतीला पाहिले. पार्वती मातेची पूजा यशस्वी झाली आणि शिवाने तिला पत्नी म्हणून स्वीकारले.
या कथेच्या आधारे होळीच्या अगाीत वासनात्मक आकर्षणाला प्रतिमात्मक रूपात जाळून खर्‍या खर्‍या प्रेमाचा उत्सव साजरा केला जातो. दुसर्‍या एका कथेनुसार, कामदेव भस्म झाल्यानंतर त्यांची पत्नी रतीने शोक व्यक्त केला आणि भगवान शंकरांना कामदेवाला पुनरुज्जीवित करण्याची विनंती केली. भगवान शंकर प्रसन्न झाले आणि त्यांनी कामदेवांना जिवंत केले. हाच दिवस होळीचा दिवस म्हणून साजरा केला जातो.
आजही रतीचा विलाप लोकसंगीताच्या रूपात गायला जातो आणि कामदेवाला भस्मसात होण्याचा त्रास होऊ नये म्हणून चंदन जाळले जाते. यासोबतच कामदेव जिवंत झाल्याच्या आनंदात नंतर रंगांचा सण साजरा केला जातो.
—
प्रल्हाद आणि होलिकाची कथा
होळीचा सण प्रल्हाद आणि होलिका यांच्या कथेशीही जोडलेला आहे. विष्णु पुराणातील एका आख्यायिकेनुसार, प्रल्हादचा पिता दैत्यराज हिरण्यकश्यप यांनी तपश्चर्या केली आणि देवांकडून वरदान मिळवले की तो ना पृथ्वीवर किंवा ना आकाशात, ना दिवसा, ना रात्री, ना घरात, ना बाहेर, ना शस्त्राने, ना अस्त्राने, ना मनुष्याकडून, ना प्राण्याकडून मरणार नाही. हे वरदान मिळाल्यानंतर तो स्वत:ला अमर समजत नास्तिक आणि निरंकुश बनला.
आपल्या मुलाने भगवान नारायणाची पूजा थांबवावी अशी त्याची इच्छा होती, परंतु प्रल्हाद यासाठी तयार नव्हता. हिरण्यकश्यपूने त्याला अनेक जीवघेण्या यातना दिल्या पण प्रत्येक वेळी तो बचावला. हिरण्यकश्यपूची बहीण होलिका हिला वरदान होते की ती अग्नीत जळणार नाही.
म्हणून त्याने होलिकाला प्रल्हादासोबत अग्नीत जाण्याची आज्ञा दिली जेणेकरून प्रल्हाद जळून मरेल.
पण होलिकेच्या या वरदानाचा अंत झाला जेव्हा तिने भगवान शंकराचा भक्त प्रल्हादला मारण्याचा प्रयत्न केला.
होलिका आगीत जळून गेली, पण नारायणाच्या कृपेने प्रल्हादच्या केसालाही इजा झाली नाही.
या घटनेच्या स्मृतीप्रित्यर्थ लोक होलिका दहन करतात आणि तिचा अंत झाल्याच्या आनंदात होळीचा सण साजरा करतात.
Web Title :- Holi 2022 | holi 2022 date 18 march 2022 friday holi kab hai shubh muhurat of holika dahan holika sthapana
Join our WhatsApp Group, Telegram, facebook page and Twitter for every update