लग्नाच्या 5 वर्षांनंतरही पतीचा शारीरिक संबंधांसाठी नकार, WhatsApp chat पाहून पत्नी हादरली

सुरतः पोलीसनामा ऑनलाईन – पती-पत्नीमधील हे (Husband and wife) एक फसवणुकीच धक्कादायक प्रकरण गुजरातमधील (Gujrat) एका शहरातून समोर आले आहे. लग्न होऊन 5 वर्ष उलटूनही पतीने पत्नीसोबत शारिरीक संबंध ठेवलेच नाही. अनेकवेळा तो काहीही कारण देत विषय टाळत असे. पत्नी हा त्रास सहन करत होती. अखेर या प्रकरणाचा छडा लागला असून पत्नीने याबाबत पोलीस ठाण्यात तक्रार दाखल केली आहे.

मिळालेल्या माहितीनुसार, सुरतच्या गोपीपुरा भागात राहणाऱ्या एका महिलेचे 2015 मध्ये नवापुरात राहणाऱ्या तरुणाशी लग्न झाले होते. वधूच्या वडिलांची आर्थिक परिस्थिती फारशी चांगली नसल्याने वडिलांनी शक्य त्या पद्धतीने मुलीचे लग्न लावून दिले. मात्र लग्नाच्या दुसऱ्याच दिवसापासून हुंड्यासाठी सासरकडून त्रास देण्यास सुरुवात झाली. महत्त्वाचे म्हणजे लग्नानंतर तीन वर्षांनंतरही पतीने पत्नीसोबत शारिरीक संबंध ठेवले नाही. तो पत्नीसोबत खोलीत झोपण्यास नकार देत होता. त्याऐवजी तो आईसोबत झोपत होता. यावर पत्नीने विचारले असता आईच्या आजारपणाचे कारण सांगून तो विषय टाळत होता.

एके दिवशी पतीचा मोबाइल पत्नीच्या हाती लागला. तिने व्हॉट्सअ‍ॅप वेबवरुन मोबाइल कनेक्ट केला. त्यानंतर तिने जे काही पाहिले त्यामुळे तिला जबरदस्त धक्काच बसला. या व्हॉट्सअ‍ॅप चॅटवरुन आपला पती गे म्हणजे समलिंगी असल्याचे कळताच तिच्या पायाखालची जमीन सरकली. यानंतर परिणीतीने पोलीस ठाण्यात याबाबत तक्रार दाखल केली. लग्नानंतर सासरच्यांकडून हुंड्यासाठी वारंवार छळ केला जात होता. सासरच्यांनी तिचा मानसिक छळ केला. परिणीतीच्या वडिलांनी लग्नानंतर 1 लाखांची रक्कम एफडीमधून काढून दिली. दुसरीकडे मुल होत नसल्यामुळे सासरच्यांकडून तिला टोमणे ऐकावे लागत होते. जेव्हा पत्नीला कळाले की तिचा नवरा समलिंगी आहे आणि त्याचे इतर पुरुषांशी प्रेमसंबंध आहे, तिला खूप धक्का बसला. गेल्या 5 वर्षांपासून ती सासरच्यांकडून छळ सहन करीत होती. अखेर तिने पतीबरोबरच सासरच्या मंडळींविरोधातही तक्रार दाखल केली आहे.