पोलीसनामा ऑनलाइन टीम – ऑटोमोबाईल सेक्टरमध्ये दिवसेंदिवस आमूलाग्र बदल घडत आहे. मोबाईल जसे बदलले जातात, तशीच स्थिती वाहनउद्योगात आहे. नवनवीन तंत्रज्ञानाचा अवलंब करीत वाहनांच्या अनेक श्रेणी बाजारात दाखल होत आहे. आपण पाहूया आता कोण-कोणत्या वाहन निर्मिती करणाऱ्या कंपन्यांची वाहने आता रस्त्यावर येणार आहेत आणि काय त्यात बदल असणार आहेत.
क्रॉसओव्हर मायक्रो एसयूवी: यावर्षी लाँच होणारी मारूती सुझुकीची नवीन कार मायक्रो कार २०१८ मध्ये सुरू झालेल्या फ्यूचर एस संकल्पनेवर आधारीत आहे. ही नवीन कार सप्टेंबर-ऑक्टोबर या कालावधीच्या आसपास बाजारात आणली जाईल. ही कार फक्त पेट्रोल इंजिनावर असणार आहे.
सात आसनी वॅगनआर: मारुती सुझुकीची यावर्षी लाँच होणारी दुसरी कार ‘वॅगनआर’ ही सात आसनी असणार आहे. मारुतीचे प्रीमियम आउटलेट नेक्साकडून या कारची विक्री होऊ शकते. या सात आसनी कारमध्ये ५+२ अशी सीटिंग लेआउट आहे. सात आसनी वॅगनआरमध्ये १.२ लिटर चे सीरिज इंजिन असू शकते.
विटारा ब्रेझा: विटारा ब्रेजा ही कार लाँच होणार आहे. पेट्रोल इंजिनवर आधारीत ब्रेझा कारची बऱ्याच काळापासून प्रतिक्षा आहे. १.५ लिटर के-सीरिज पेट्रोल इंजिन असेल. ज्यामुळे १०४ बीएचपी ऊर्जा आणि 138 एनएम पीक टॉर्क निर्माण होईल. हे इंजिन सुझुकीच्या हायब्रिड सिस्टीमसह येणार आहे. ज्यामुळे ही कार चांगले मायलेज देईल.
अर्टिगा स्पोर्ट:मारुती सुझुकीची यावर्षी लोकप्रिय असलेली आर्टिगाची आता लक्झरी व्हर्जन येणार आहे. ही कार आर्टिगा स्पोर्ट या नावाने लाँच केली जाईल. ही कार सहा आसनी एमपीव्ही असून ही कार २+२+२ या सीटिंग लेआउटसह येणार आहे. हे टॉप मॉडेल असणार आहे. कंपनी या कारची विक्री प्रीमियम आउटलेट नेक्समधून करणार आहे.