मराठा आरक्षण आणि इतर मागण्यांसाठी काल औरंगाबाद येथून काकासाहेब शिंदे नामक २८ वर्षीय युवकाने गोदावरी नदीपात्रात उडी मारून आत्महत्या केली. या घटनेनंतर मराठा क्रांती मोर्चाचे आंदोलक अधिकच आक्रमक बनले आहेत. आज महाराष्ट्र बंदची हाक देण्यात आली आहे. याप्रकरणी दोषी तहसीलदार आणि पोलीस निरीक्षकाला निलंबित करण्यात आले आहे.
मराठा आरक्षणासाठी जलसमाधी घेणाऱ्या काकासाहेब शिंदे यांच्या कुटुंबियांना १० लाख रुपयांची आर्थिक मदत जाहीर करण्यात आली असून शिंदे यांच्या भावाला शैक्षणिक पात्रतेनुसार शासकीय नोकरी देण्यात येणार आहे. तसेच गंगापूरचे तहसीलदार चंद्रकांत शेळके आणि पोलीस निरीक्षक सुनील बिर्ला यांना निलंबित करण्यात येणार असल्याचे आश्वासन देण्यात आले. त्यानुसार त्यांना निलंबित करण्यात आले आहे.