LIC Bima Ratna Plan | एलआयसीने लाँच केला नवीन प्लान ! रू. 5,000 जमा केल्यास मिळतील जबरदस्त बेनिफिट्स, बोनसची सुद्धा गॅरंटी
file photoनवी दिल्ली : वृत्तसंस्था – LIC Bima Ratna Plan | एलआयसी या भारतातील सर्वात मोठी विमा कंपनीने शुक्रवारी Bima Ratna नावाची नवीन पॉलिसी लाँच केली आहे. विमा रत्न ही नॉन-लिंक, नॉन-पार्टिसिपेटेड, पर्सनल, बचत जीवन विमा योजना आहे. या प्लॅनमध्ये ग्राहकांना सुरक्षितता आणि बचत दोन्हीची सुविधा मिळणार आहेत (LIC Bima Ratna Plan).
एलआयसीचे हे प्रॉडक्ट कॉर्पोरेट एजंट, विमा मार्केटिंग फर्म (IMF), एजंट, CPSC-SPV आणि POSP-LI द्वारे खरेदी केले जाऊ शकते.
कशी आहे LIC ची विमा रत्न पॉलिसी?
पॉलिसीच्या मुदतीदरम्यान पॉलिसीधारकाचा दुर्दैवी मृत्यू झाल्यास एलआयसीची विमा रत्न योजना कुटुंबासाठी आर्थिक सहाय्य प्रदान करते. विविध आर्थिक गरजा पूर्ण करण्यासाठी गॅरंटीड बोनसची सुविधा देखील प्रदान करते. याव्यतिरिक्त, योजना कर्ज सुविधेद्वारे लिक्विडीटीच्या गरजा पूर्ण करते.
विमा रत्न योजना पॉलिसीबाबत…
1. मृत्यू लाभ
एलआयसी प्लॅन सुरू झाल्याच्या तारखेनंतर पॉलिसी टर्म दरम्यान विमाधारकाच्या मृत्यूवर मृत्यू लाभ पेआउट ऑफर करते. एलआयसी मूळ विमा रकमेच्या 125% पेक्षा जास्त किंवा वार्षिक प्रीमियमच्या 7 पटीने मृत्यूवर विमा रक्कम परिभाषित करते. हे मृत्यू लाभ पेमेंट मृत्यूच्या तारखेपर्यंत एकूण देय रकमेच्या 105% पेक्षा कमी नसावे. (LIC Bima Ratna Plan)
2. Survival बेनिफिट :
जर योजनेची मुदत 15 वर्षे असेल तर एलआयसी प्रत्येक 13व्या आणि 14व्या पॉलिसी वर्षाच्या शेवटी मूळ विमा रकमेच्या 25% भरेल. 20 वर्षांच्या मुदतीच्या योजनेसाठी, एलआयसी प्रत्येक 18 व्या आणि 19 व्या पॉलिसी वर्षांच्या शेवटी मूळ विमा रकमेच्या 25% भरेल. पॉलिसी योजना 25 वर्षांसाठी असल्यास, एलआयसी प्रत्येक 23व्या आणि 24व्या पॉलिसी वर्षाच्या शेवटी तेच 25% भरेल.
3. मॅच्युरिटी बेनिफिट :
जर एखादी विमित व्यक्ती मॅच्युरिटीच्या ठरलेल्या तारखेपर्यंत जिवंत असेल तर, मॅच्युरिटीवर विमा रक्कमेसह मिळवलेल्या गॅरंटेड एडिशनचे सुद्धा पेमेंट केले जाईल. या पॉलिसी अंतर्गत, पहिल्या वर्षापासून ते 5 व्या वर्षापर्यंत प्रति 1,000 रुपये 50 रुपये गॅरंटेड बोनस दिला जाईल.
तर 6 व्या ते 10 व्या पॉलिसी वर्षापर्यंत, एलआयसी 55 बोनस आणि त्यानंतर मॅच्युरिटी कालावधीपर्यंत वार्षिक 60 रुपये प्रति हजार बोनस देईल. मात्र, जर विमा हप्ता रितसर भरला गेला नसेल तर, पॉलिसी अंतर्गत विमा एडिशन मिळणे बंद होईल.
4. पात्रता आणि इतर अटी :
– एलआयसी रु. 5 लाखांची किमान बेसिक सम अ‍ॅश्युअर्ड ऑफर करते. कमाल बेसिक सम अ‍ॅश्युअर्डवर कोणतीही मर्यादा नाही. मात्र, ती रू. 25,000 च्या पटीत असेल.
– पॉलिसीची मुदत 15 वर्षे, 20 वर्षे आणि 25 वर्षे आहे. मात्र, पॉलिसी POSP-LI/CPSC-SPV द्वारे प्राप्त झाल्यास पॉलिसीची मुदत 15 आणि 20 वर्षे असेल.
– विमा रत्न अंतर्गत, 15 वर्षांच्या पॉलिसी मुदतीसाठी, तुम्हाला 11 वर्षांपर्यंत प्रीमियम भरावा लागेल.
तर 20 वर्षे आणि 25 वर्षांसाठी प्रीमियम भरण्याची मुदत 16 वर्षे आणि 21 वर्षे आहे.
– विमा रत्न पॉलिसीचे किमान वय 90 दिवस आणि कमाल वय 55 वर्षे आहे.
– पॉलिसी मॅच्युरिटीसाठी किमान वय 20 वर्षे आहे. तर पॉलिसी टर्म 25 वर्षांसाठी मॅच्युरिटीचे वय 25 वर्षे आहे.
मॅच्युरिटीसाठी कमाल वय 70 वर्षे आहे.
Web Title :- LIC Bima Ratna Plan | lic launched bima ratna insurance policy you will get tremendous benefits check features
Join our WhatsApp Group, Telegram, facebook page and Twitter for every update
Pune Pimpri Crime | लग्नाचे आमिष दाखवून 40 वर्षीय महिलेवर बलात्कार
Pune Pimpri Crime | शेतकऱ्याची वडिलोपार्जित जमीन हडपण्याचा प्रयत्न, 4 जणांवर गुन्हा दाखल