LIC IPO | एलआयसीचे काय होणार? 841 रूपये झाला शेअरचा भाव; जाणून घ्या शेअर मार्केटमधील हलचाल
नवी दिल्ली : वृत्तसंस्था – LIC IPO | एलआयसीच्या शेअरचे अखेर काय होणार? या आयपीओमध्ये बोली लावणार्‍या गुंतवणुकदारांच्या जखमेवर मलम कोण लावणार? गुरूवारी हा शेअर 3.94 टक्के घसरून 841 रूपयांवर आला. कंपनीने इन्व्हेस्टर्सला 949 रूपयांच्या प्राईसवर शेअर अलॉट केले होते. इश्यू प्राईसपासून हा शेअर 108 रूपयांनी कोसळला आहे. हा एलआयसीचा ड्रीम आयपीओ होता. मग त्याची अशी आवस्था का झाली? (LIC IPO)
एलआयसीने आपल्या पॉलिसी होल्डर्सलाच सर्वात जास्त चूना लावला आहे. कारण, त्यांनी पॉलिसी होल्डर्सला प्रति शेअर 60 रुपयांचे डिस्काऊंट दिले होते. एकतर देशातील सर्वात मोठी आणि जुनी इन्श्युरन्स कंपनी म्हणून दमदार ब्रँड आणि दुसरे हे डिस्काऊंट. दोघांनी मिळून पॉलिसी होल्डर्सवर जादू केली. त्यांनी या आयपीओमध्ये जोरदार बोली लावली. (LIC IPO)
पॉलिसी होल्डर्सचा कोटा सहापटीपेक्षा जास्त सबस्क्राईब झाला. 60 रुपये डिस्काउंटनंतर त्यांना एक शेअर 889 रूपये किंमतीला पडला. आता 841 रूपये भाव आल्यानंतर त्यांच्याकडे आता हा शेअर ठेवण्याशिवाय दुसरा पर्याय नाही. (LIC Share)
रिटेल इन्व्हेस्टर्सला एलआयसीने प्रति शेअर 45 रूपयांचा डिस्काऊंट दिला होता. डिस्काऊंट नंतर त्यांना एक शेअर 904 रूपयांना पडला. हिच किंमत एलआयसीच्या एम्प्लॉईजसाठी सुद्धा आहे, कारण त्यांना सुद्धा प्रति शेअर 45 रूपयांचा डिस्काऊंट मिळाला होता. आता प्रति शेअर त्यांना 63 रूपयांचा तोटा होत आहे. हा शेअर मंगळवारी स्टॉक एक्सचेंजमध्ये लिस्ट झाला होता. (Share Market Marathi News)
लिस्टिंगच्या दिवशी एलआयसीचा शेअर सुमारे 8 टक्के घसरून बंद झाला होता. यानंतर सातत्याने घसरत आहे. आता इन्व्हेस्टर्सला हे जाणून घ्यायचे आहे की, अखेर हा घसरून कुठपर्यंत जाईल. त्यांना या घसरणीचा कोणताही शेवट दिसून येत नाही. गुंतवणूक विभागाचे सचिव तुहिन कांत पांडेय यांनी लिस्टिंगच्या दिवशी म्हटले होते की, इन्व्हेस्टर्सने हा शेअर मीडियम ते लाँग टर्मसाठी ठेवला पाहिजे.
प्रश्न हा आहे की, ज्या पॉलिसी होल्डर्सने उधार घेऊन या शेअरमध्ये गुंतवणूक केली होती,
त्यांचे काय होणार? कारण त्यांना एलआयसीच्या ब्रँडवर विश्वास होता. एलआयसी सरकारी कंपनी असल्याचे वाटत असल्याने त्यांना या ब्रँडवर भरोसा होता.
परंतु, आता सरकार काही करत नाही, आणि एलआयसी सुद्धा लक्ष देत नाही. यामुळे या आयपीओमध्ये पैसे लावणारे पॉलिसी होल्डर्स अस्वस्थ आहेत.
Web Title :- LIC IPO | lic shares what will happen to this share price falls to rupees 845
Join our WhatsApp Group, Telegram, facebook page and Twitter for every update
Tata IPL Final -2022 | आयपीएलच्या फायनल मॅचची वेळ बदलली; किती वाजता सुरु होणार मॅच?; जाणून घ्या