Maharashtra Cabinet Expansion | मंत्रिपद न मिळाल्यास शिंदे गटात बंडखोरी होईल, शिवसेना खासदाराचा दावा
file photoसिंधुदुर्ग : पोलीसनामा ऑनलाइन – राज्यात शिंदे-फडणवीस सरकार (Shinde-Fadnavis Government) स्थापन झाल्यानंतर या सरकारचा मंत्रिमंडळ विस्तार (Maharashtra Cabinet Expansion) कधी होणार याकडे सर्वांचे लक्ष लागले आहे. राज्यात सरकार स्थापन होऊन 15 दिवस झाले असून मुख्यमंत्री आणि उपमुख्यमंत्री हे राज्याचा कारभार हाकलताना दिसत आहेत. यावरुन विरोधकांनी सरकारवर टीका करण्यास सुरुवात केली आहे. 165 आमदारांचे बहुमत असताना अद्याप मंत्रिमंडळ विस्तार (Maharashtra Cabinet Expansion) करण्यास सरकार घाबरतंय कशाला असा सवाल विरोधी पक्षनेते अजित पवार (Ajit Pawar) यांनी केला. तर मंत्रिपद न मिळाल्यास शिंदे गटात (Shinde Group) 100 टक्के बंडखोरी होईल असा दावा शिवसेना खासदार विनायक राऊत (Shivsena MP Vinayak Raut) यांनी केला आहे.
विनायक राऊत म्हणाले की, शिंदे गट आणि भाजप (BJP) यांच्यात तुंबळ युद्ध काही दिवसांत दिसेल. मुख्यमंत्री आणि उपमुख्यमंत्री दोघच शिल्लक राहिलेत. मंत्रिपद (Maharashtra Cabinet Expansion) न मिळाल्यास अनेक आमदार (MLA) मानगुटीवर बसणार आहेत. तोंडाला पाने पुसली गेल्यानंतर 100 टक्के शिंदे गटात बंडखोरी होणार आहे. अतृप्त आत्मे एकत्र आल्यानंतर एकमेकांच्या उरावर बसणार आहेत, असा दावा राऊत यांनी केला आहे.
मुख्यमंत्री एकनाथ शिंदे (CM Eknath Shinde) असले तरी त्यांना स्वत:चा आवाज नाही. त्यांचे बोलवते धनी दिल्लीत आहेत.
देवेंद्र फडणवीस (Devendra Fadnavis) नाईलाजास्तव उपमुख्यमंत्री झालेत.
त्यांची नाराजी मध्ये मध्ये दिसते.
केंद्रीय नेतृत्वाने देवेंद्र फडणवीस यांचा पोपट केला, अशा शब्दात विनायक राऊत यांनी भाजप आणि देवेंद्र फडणवीस यांच्यावर टीका केली आहे.
Web Title :- Maharashtra Cabinet Expansion | shiv sena vinayak raut allegations on eknath shinde devendra fadnavis over cabinet expansion
Join our WhatsApp Group, Telegram, facebook page and Twitter for every update