MLA Siddharth Shirole | बीआरटी मार्गावरून जाण्याची परवानगी खासगी गाड्यांना द्यावी; आ. सिद्धार्थ शिरोळे यांची विधीमंडळात मागणी
file photoपुणे – MLA Siddharth Shirole | वाहतूक कोंडीचा प्रश्न सोडविण्यासाठी शहरातील बीआरटी मार्गावरून खाजगी गाड्यांना जाण्याची परवानगी द्यावी, अशी मागणी आमदार सिद्धार्थ शिरोळे यांनी विधानसभेत लक्षवेधी चर्चेत बोलताना आज (गुरुवारी) केली. (MLA Siddharth Shirole)
पुणे शहराच्या बीआरटी बाबत ही लक्षवेधी सूचना आमदार सुनील टिंगरे यांनी मांडली होती. या लक्षवेधी चर्चेमध्ये आमदार शिरोळे यांनी सहभाग घेतला. (MLA Siddharth Shirole)
प्रशासन जर बीआरटी बंद करत नसेल तर ज्या खासगी बसगाड्या व अन्य गाड्या पुण्यातून रांजणगाव, हिंजवडी तसेच उपनगरांमधून राष्ट्रीय महामार्गावर जातात अशा खासगी गाड्यांचे मालक-चालक शुल्क भरायला तयार असून त्यांना शुल्क आकारून बीआरटी मार्गांवरून जाण्यास परवानगी द्यावी, असे आ.शिरोळे यांनी सांगितले.
Allow private vehicles on BRTS Roads in #Pune.
Today in #VidhanSabha I brought to notice & urged the Min. @samant_uday ji to allow private vehicles to ply on the BRTS routes if Govt is unable to shut down #BRTS entirely.
This will help ease traffic congestion on these busy roads pic.twitter.com/fm2UmGTHgm— Siddharth Shirole (@SidShirole) December 29, 2022
सध्या पीएमपीएमएल ची बसगाडी दर ५ मिनिटाला एक याप्रमाणे बीआरटी मार्गावरून धावत नाही.
तसेच दोन बसगाड्यांच्या वेळेमध्ये अंतर सुद्धा जास्त असते. हे लक्षात घेऊन संगमवाडी बीआरटी मार्ग,
हडपसर बीआरटी मार्ग, कात्रज बीआरटी मार्ग या मार्गांवर जर खासगी गाड्यांना परवानगी दिली तर पुणे
शहराचा बराचसा वाहतूक कोंडीचा प्रश्न सुटेल. यावर मंत्री महोदयांनी विचार करावा, अशी मागणी चर्चेच्या दरम्यान आ.शिरोळे यांनी केली.
यावर उत्तर देताना मंत्री महोदय उदय सामंत म्हणाले, आ.शिरोळे यांची सूचना विचारात घेऊन सबंधित अधिकारी
व तज्ज्ञांशी चर्चा करून बीआरटी मार्गांवरून खासगी गाड्या जाऊ शकतात का? आणि याचा त्रास जर
नागरिकांना होणार नसेल तर, योग्य तो निर्णय घेण्याच्या सूचना संबंधित समितीला देऊ, असे आश्वासन दिले.
Web Title :- MLA Siddharth Shirole | Allow private vehicles to ply on BRT route; come Siddharth Shirole’s demand in the legislature
Join our WhatsApp Group, Telegram, facebook page and Twitter for every update
Lavasa City Case | लवासाप्रकरणी न्यायालयात पुन्हा याचिका; अजित पवार म्हणाले पवार कुटुंबावर…