डोनाल्ड ट्रम्प यांच्या भारत दौर्‍यावर मुकेश अंबानींनी केलं मोठं विधान, म्हणाले…
File Photoमुंबई : पोलीसनामा ऑनलाइन – भारतातील बडे उद्योगपती मुकेश अंबानी यांनी अमेरिकन राष्ट्राध्यक्ष डोनाल्ड ट्रम्प यांच्या भारत दौर्‍यावर आपली प्रतिक्रिया व्यक्त केली आहे. मुकेश अंबानी म्हणाले, डोनाल्ड ट्रम्प 2020 मध्ये जो भारत पाहतील, तो कार्टर, क्लिंटन आणि एवढेच नव्हे तर ओबामांनी जो भारत पाहिला, त्यापेक्षा वेगळा असेल.
तसेच मुकेश अंबानी म्हणाले, 38 करोड लोकांनी जिओचे 4जी तंत्रज्ञान स्वीकारले आहे, जिओ आता लोकांचे आंदोलन बनले आहे. भारतातील जमिनीवरील उद्योजकतेची ताकद प्रचंड आहे. याबाबत शंका नाही की, आपण जगातील तीन सर्वात मोठ्या अर्थव्यवस्थांपैकी एक असू.
मुकेश अंबानी म्हणाले, भारतामध्ये अजून गेमिंगचे अस्तित्व नाही. संगीत आणि चित्रपट दोन्ही एकत्रित केले, तरी गेमिंग क्षेत्र जास्त मोठे आहे. पण माहिती अशी आहे की, मुकेश अंबानी यांच्या रिलायन्स इंडस्ट्रीजला कर्जमुक्त करण्याची योजना आहे. मुकेश अंबानी यांनी 2021 च्या सुरूवातीला रिलायन्स इंडस्ट्रीज लिमिटेडला शुद्ध ऋणातून मुक्त करण्यासाठी एक रोड मॅप तयार केल्यानंतर सहा महिन्यांनी, त्यांच्या योजनेने सरकारला धन्यवाद दिले आहेत.
भारतीय कंपन्यांना सीईओ तंत्रज्ञानाने सक्षम करण्याची गरज : नडेला
या कॉन्क्लेव्हमध्ये मायक्रोसॉफ्टचे सीईओ सत्या नडेला यांनी म्हटले की, भारतीय कंपन्याना सीईओ तंत्रज्ञानाने सक्षम करण्याची गरज आहे. हे सुद्धा ठरवावे लागेल की सर्वांनी संयुक्तपणे पुढे आले पहिजे. सोमवारी भारताच्या दौर्‍यावर आलेले नडेला येथे तीन दिवस राहणार आहेत. मुंबईतील या संमेलनात मुकेश अंबानी यांच्यासह टीसीएसचे सीईओ-एमडी राजेश गोपीनाथन सुद्धा सहभागी झाले होते.
गोपीनाथन यांनी म्हटले की, तंत्रज्ञानातील बदलासाठी त्यांची कंपनी पहिल्यापासूनच असलेले टॅलेंट तयार करण्यावर जोर देत आहे. या गोष्टीची काळजी घेतली जाते की, बाहेरच्या लोकांचा शोध घेण्यापेक्षा चांगली क्षमता असलेल्या कर्मचार्‍यांनी कंपनीच्या सोबत राहावे. तरूणांकडे खुप चांगले ज्ञान आहे, ते वेगाने शिकू शकतात, परंतु प्रशिक्षणाची गरज असते. आयटी सेक्टरमध्ये अनेक वर्षांचा कालावधी असलेल्या प्रकल्पांचा काळ आता संपला आहे.