मुंबई : पोलीसनामा ऑनलाइन – कामानिमित्त भारतात आलेल्या एका ऑस्ट्रेलियन नागरिकाचा लाखो रुपयांचा गहाळ झालेला ऐवज मुंबई पोलिसांनी शोधून दिला. वनराई आणि कुलाबा पोलिसांनी केलेल्या संयुक्त कामगिरीमुळे मुंबई पोलिसांचे नाव सातासमुद्रापार गाजले आहे. ऑस्ट्रेलियन नागरिकाचा गहाळ झालेला लाखो रुपयांचा ऐवज काही तासात पोलिसांनी शोधून दिला.
मुळचे ऑस्ट्रेलियाचे नागरिक असलेले अ‍ॅडम जॅक्सन हे आर्किटेक्ट असून ते अबूधाबी येथे राहतात. मागील आठवड्यात काही कामानिमित्त ते भारतात आले होते. गेटवे ऑफ इंडिया येथून ते हॉटेल फ्रेनमध्ये गेले. मात्र, हॉटेलमध्ये आल्यानंतर गडबडीत त्यांची लॅपटॉपची बॅग टॅक्सीमध्ये विसरली. ही बाब त्यांच्या लक्षात येईपर्य़ंत टॅक्सी चालक तेथून निघून गेला होता. त्यानी तात्काळ वनराई पोलीस ठाण्यात जाऊन घडलेला प्रसंग पोलिसांना सांगितला.
रात्रपाळीवर असलेल्या पोलीस निरीक्षक खरात आणि पोलीस उपनिरीक्षक शिरवाडकर यांनी त्यांचे ऐकून घेत धीर दिला. तपासी पथकाचे सहायक पोलीस निरीक्षक भारत घोणे यांना घटनेबाबत सांगितले. घोणे यांनी फ्रेन हॉटेलमध्ये जाऊन सीसीटीव्ही तपासले असता अ‍ॅडम ज्या टॅक्सीतून उतरले त्या टॅक्सीचा नंबर घेतला. मिळालेल्या नंबरवरून टॅक्सी मालकाचा शोध घेतला असता ही टॅक्सी शिवशंकर कांबळे यांची असल्याचे समोर आले. वनराई पोलीस कांबळे रहात असलेल्या ट्र टर्मिनस येथे गेले मात्र, त्यांना कांबळे भेटले नाहीत.
In stormy situations, we must take calculated yet lightning fast decisions. On 16/11/19, API Ghone & team of Vanrai PS traced & nabbed a Taxi Driver in Colaba jurisdiction & recovered missing valuables worth US $15,000 belonging to Mr. Adam Jackson from Australia #BestDetection pic.twitter.com/CEfOt7X4go
— मुंबई पोलीस – Mumbai Police (@MumbaiPolice) November 19, 2019
दरम्यान, घोणे यांनी कुलाबा पोलीस ठाण्यातील सहायक पोलीस निरीक्षक हेमंत गावडे यांना घडलेली घटना सांगितील. गावडे यांनी आपल्या सहकार्यांच्या मदतीने टॅक्सीचा शोध घेतला. तसेच टॅक्सीत विसरलेली काळ्या रंगाची बॅग पोलिसांनी ताब्यात घेतली. त्या बॅगेत 1500 अमेरिकन डॉलर्स (भारतीय चलनाप्रमाणे 10 लाख 65 हजार), निकॉन डी 810 कॅमेरा, दोन लेन्स, रोस कंपनीचे घड्याळ असा लाखो रुपयांचा ऐवज त्या बॅगेत होता. गहाळ झालेली बॅग मुंबई पोलिसांनी काही तासात शोधून ती परत केल्यामुळे अ‍ॅडम यांनी मुंबई पोलिसांचे अभार मानले.
Visit : Policenama.com
- ‘या’ व्यायाम प्रकाराने लाभते दिर्घायुष्य, जाणून घ्या 5 आरोग्यदायी फायदे
- सतत ‘एनर्जी ड्रिंक’ घेतल्याने कमी होते मेंदूची कार्यक्षमता, ‘या’ 3 गोष्टी लक्षात ठेवा
- हिवाळ्यात ‘हे’ 6 आजार ठरू शकतात त्रासदायक, ‘हे’ उपाय आवश्य करा
- योगासने सुरु करण्यापूर्वी आणि नंतर ‘ही’ काळजी घ्या, लक्षात ठेवा ‘या’ 6 गोष्टी
- ‘हे’ आहेत थंड पाण्याचे 5 दुष्परिणाम आणि गरम पाण्याचे तब्बल 14 फायदे
- गुलाबी थंडीत असे सांभाळा तुमचे आरोग्य, ‘हे’ 7 पदार्थ आवश्य सेवन करा
- वजन घटवण्यासाठी ‘या’ 7 टिप्स, केवळ दररोज चालण्याने जळतील 500 कॅलरीज !