Corona Vaccine Updates : ‘कोरोना’च्या लशीसंदर्भात अफवा पसरविणार्‍यावर कायदेशीर कारवाई, केंद्र सरकारचा आदेश जारी
file photoनवी दिल्ली : वृत्तसंस्था – कोरोना व्हायरस महामारीला आळा घालण्यासाठी देशभरात लसीकरण सुरू झाले आहे. त्याच वेळी, केंद्र सरकारने देशी लसीवर पसरणाऱ्या अफवांविषयी इशारा दिला आहे. केंद्रीय गृहसचिव अजय भल्ला यांनी यासंदर्भात राज्ये आणि केंद्रशासित प्रदेशांना पत्र लिहिले आहे. यामध्ये राज्यांना सांगण्यात आले की, आपत्ती व्यवस्थापन कायदा आणि आयपीसीच्या तरतुदीनुसार जे लोक अफवा पसरवत आहेत किंवा कोणत्याही अफवेत समावेश आहेत, त्यांच्यावर कारवाई केली जाऊ शकते. गृहसचिवांनी आपल्या पत्राद्वारे म्हटले की, अफवा आणि खोटी बातमी थांबविण्यासाठी अशा लोकांवर कारवाई करणे आवश्यक आहे. यासह, वास्तविक तथ्यांच्या आधारे विश्वसनीय माहिती प्रसारित करण्याचा सल्ला राज्यांना देण्यात आला आहे. अफवा पसरविणार्‍या संस्था आणि कोणत्याही व्यक्तीविरूद्ध कायदेशीर तरतुदींनुसार दंडात्मक कारवाई केली जाऊ शकते.
दोन्ही लस सुरक्षित आणि इम्युनोजेनिक
अजय भल्ला यांनी जोर देत म्हंटले की, देशातील नियामक प्राधिकरणाने सीरम इन्स्टिट्यूट ऑफ इंडियाद्वारे तयार केलेल्या आणि भारत बायोटेक लिमिटेड द्वारा विकसित आणि निर्मित केलेल्या दोन लस सुरक्षित आणि रोगप्रतिकारक असल्याचे आढळले आहे. दरम्यान, देशात कोरोना लसीकरण कार्यक्रम सुरू झाला आहे. लसीकरणानंतर सोशल मीडियावर काही लोकांच्या मृत्यूबद्दल अनेक अफवा समोर आल्या आहेत. दरम्यान, हे मृत्यू लसीशी संबंधित असल्याचे आढळले नाही. या अफवांमध्ये, लोकांना लसी देऊ नका असे सांगितले जाते आणि हे जीवघेणे आहे.
पंतप्रधान मोदींनी जनतेला केले आवाहन
पंतप्रधान नरेंद्र मोदी यांनी रविवारी म्हटले की, भारतीय वैज्ञानिकांनी कोविड – 19 ची लस विकसित करून आपले कर्तव्य पार पाडले आहे आणि आता आपल्याला ‘आता अफवा पसरविणाऱ्या प्रत्येक नेटवर्कला योग्य माहितीच्या सहाय्याने पराभूत करणे आपले कर्तव्य पार पडायचे आहे’. प्रजासत्ताक दिनाच्या परेडमध्ये भाग घेणाऱ्या एनसीसी कॅडेट्स, एनएसएस स्वयंसेवक आणि कलाकारांना संबोधित करताना पंतप्रधान म्हणाले की, अशा प्रकारच्या संघटनांनी नेहमीच आव्हानात्मक काळाचा सामना करण्यासाठी आपली भूमिका बजावली आहे.