Pension Payment Order (PPO) | पेन्शन पेमेंट ऑर्डर नंबर विसरलात तर होऊ नका अस्वस्थ, केवळ काही सोप्या पद्धतीने मिळेल परत
नवी दिल्ली : वृत्तसंस्था – कर्मचारी भविष्य निर्वाह निधी संघटनेत कर्मचार्यांचा प्रॉव्हिडंट फंड आणि रिटायर्मेंटनंतर मिळणारा पेन्शन फंड जमा होतो. या दोन्ही फंडातील पैसे काढण्यासाठी UAN आणि पेन्शन पेमेंट ऑर्डर क्रमांक Pension Payment Order (PPO) क्रमांक आवश्यक आहे. तुमचा पीपीओ नंबर काही कारणास्तव चुकला असेल किंवा तुम्ही तुमचा पीपीओ विसरला असाल तर तुम्हाला काळजी करण्याची गरज नाही. Pension Payment Order (PPO)
कारण इथे आम्ही पीएफ नंबरच्या मदतीने पीपीओ नंबर कसा रिकव्हर करायचा ते सांगणार आहोत. ज्यासाठी तुम्हाला काही सोप्या स्टेप्स फॉलो कराव्या लागतील.
पेन्शन पेमेंट ऑर्डर क्रमांक म्हणजे काय ?
पीपीओ क्रमांक पेन्शनसाठी (Pension) संदर्भ क्रमांक म्हणून वापरला जातो. ज्याच्या मदतीने कर्मचार्यांना निवृत्तीनंतर पेन्शन मिळू शकते. पीपीओ क्रमांक कर्मचारी भविष्य निर्वाह निधी संघटनेद्वारे जारी केला जातो, जो 12 अंकांमध्ये असतो. Pension Payment Order (PPO)
त्याच वेळी, पेन्शन पेमेंट ऑर्डर क्रमांकाच्या मदतीने, कर्मचारी केंद्रीय पेन्शन लेखा कार्यालय तुमची समस्या सोडवू शकते. त्यामुळे पीपीओ क्रमांकाशिवाय निवृत्तीनंतर पेन्शन मिळत नाही.
पीपीओ नंबर कसा मिळवायचा
– यासाठी प्रथम कर्मचारी भविष्य निर्वाह निधी संस्थेच्या वेबसाइटला भेट द्या.
– येथे उजव्या बाजूला तुम्हाला ऑनलाइन सर्व्हिसचा पर्याय दिसेल. यामध्ये पेन्शन पोर्टलच्या पर्यायावर क्लिक करा. यानंतर तुमच्यासमोर एक नवीन पेज उघडेल.
– या पेजमध्ये उजव्या बाजूला Now Your PPO Number चा पर्याय असेल, तो निवडा.
– यानंतर तुम्ही बँक खाते क्रमांक आणि पीएफ क्रमांक टाकून सर्च करू शकता.
– सर्व तपशील सबमिट केल्यानंतर स्क्रीनवर पीपीओ क्रमांक दिसेल.
पीपीओ क्रमांक का आवश्यक आहे ?
– पीपीओ क्रमांकाशिवाय तुम्ही पेन्शन ऑनलाइन ट्रॅक करू शकत नाही.
– पेन्शनशी संबंधित कोणतीही तक्रार करायची असेल तर पीपीओ क्रमांक देणे आवश्यक आहे.
– पेन्शन खाते बँकेच्या एका शाखेतून दुसर्या शाखेत हस्तांतरित केल्यास, हा क्रमांक आवश्यक आहे.
Web Title :- Pension Payment Order (PPO) | do not worry if you forget the pension payment order number you get it back in some easy ways
Join our WhatsApp Group, Telegram, facebook page and Twitter for every update