PM Kisan चा 12वा हप्ता मिळण्यापूर्वी शेतकर्‍यांना खुशखबर ! मोदी सरकारने दिला ‘हा’ मोठा दिलासा
file photoनवी दिल्ली : PM Kisan | शेतकर्‍यांची आर्थिक स्थिती मजबूत करण्यासाठी मोदी सरकारने (Modi Government) पीएम किसान (PM Kisan) सन्मान निधीची सुरुवात केली. ही योजना सुरू होऊन तीन वर्षे झाली आहेत. याअंतर्गत पात्र शेतकर्‍यांना वार्षिक 6 हजार रुपये मिळतात. ही रक्कम दोन ते दोन हजार रुपयांच्या हप्त्यांमध्ये वर्षातून तीनदा दिली जाते. याअंतर्गत शेतकर्‍यांना 11 वा हप्ता मिळाला असून, आता शेतकरी बांधव 12 व्या हप्त्याची प्रतीक्षा करत आहेत. 1 ऑगस्ट ते 30 नोव्हेंबर दरम्यान येणारा हा हप्ता लवकरच शेतकर्‍यांच्या खात्यात येईल.
e-KYC करणार्‍या शेतकर्‍यांना मिळणार हप्ता!
मात्र हा हप्ता येण्यापूर्वीच सरकारने शेतकर्‍यांना मोठा दिलासा दिला आहे. यावेळी पीएम किसानचे ई-केवायसी (PM Kisan e-KYC) आणि गावो-गावी होत असलेल्या पडताळणीमुळे 12 व्या हप्त्याला उशीर होत आहे. यावेळी सरकारकडून ईकेवायसी केलेल्या शेतकर्‍यांनाच केवळ 12 वा हप्ता दिला जाईल, अशी अपेक्षा आहे. PM Kisan च्या अधिकृत वेबसाइटवर असे लिहिले आहे की पीएम किसानच्या नोंदणीकृत शेतकर्‍यांना ई केवायसी करणे आवश्यक आहे.
eKYC बाबत दिला मोठा दिलासा
पीएम किसानच्या वेबसाइटवर सांगण्यात आले की पीएम किसान पोर्टलवर ओटीपी आधारित ईकेवायसी उपलब्ध आहे. यापूर्वी, पीएम किसान पोर्टल (pmkisan.gov.in) वर ई-केवायसी करण्याची अंतिम तारीख 31 ऑगस्ट 2022 निश्चित करण्यात आली होती. मात्र आता यासाठी तारखेचे बंधन बंद केले आहे. पीएम किसानच्या वेबसाइटवर असे लिहिले आहे की नोंदणीकृत शेतकर्‍यांनी ई-केवायसी करणे आवश्यक आहे. बायोमेट्रिक आधारित ई-केवायसीसाठी जवळच्या सीएससी केंद्राशी संपर्क साधा.
घरबसल्या असे करा ई-केवायसी संबंधित काम
याशिवाय ई-केवायसीशी संबंधित आवश्यक काम तुम्ही घरी बसून पूर्ण करू शकता. यासाठी तुम्ही प्रथम पीएम किसान पोर्टलच्या अधिकृत वेबसाइटवर जा (https://pmkisan.gov.in). यानंतर, स्क्रोलवर, उजवीकडे ’फार्मर कॉर्नर’ वर पहिले ई-केवायसी दिसेल. त्यावर क्लिक करा. आता उघडणार्‍या वेब पेजवर आधार क्रमांक टाका. जर आधीच ई-केवायसी केले असेल तर त्यावर हा संदेश दिसेल. नसल्यास, खाली दिलेल्या सूचनेनुसार तुमचे ई-केवायसी पूर्ण करा.
12वा हप्ता कधी येणार
12वा हप्ता येण्याची वेळ ऑगस्ट ते नोव्हेंबर दरम्यान आहे.
गतवर्षी याच कालावधीत ऑगस्ट महिन्याच्या सुरुवातीलाच योजनेशी संबंधित हप्त्याचे 2000 रुपये आले होते.
परंतु यावेळी ई-केवायसी आणि पडताळणीमुळे हप्ता मिळण्यास विलंब झाला आहे.
पूर आणि दुष्काळात होरपळणार्‍या शेतकर्‍यांना ही प्रतीक्षा जड जात आहे.
Web Title :- PM Kisan | pm kisan big update ekyc is mandatory for pmkisan registered farmers
Join our WhatsApp Group, Telegram, facebook page and Twitter for every update
Pune Crime | जप्त मालमत्तेचा बँक मॅनेजरनेच केला अडीच कोटींचा अपहार; लोणीकंद पोलीस ठाण्यात FIR
RBI ने रद्द केले पुण्यातील ‘या’ बँकेचे लायसन्स, तुमचे सुद्धा असेल खाते; तर काढू शकणार नाही पैसे