पुणे : Pune Crime | पुढे चेकिंग चालू आहे, तुमच्या गळ्यातील दागिने काढून ठेवा, असे सांगून हालचलाखीने दोघा तोतया पोलिसांनी एका ज्येष्ठ नागरिकाचा २ लाख ७६ हजार रुपयांचा ऐवज चोरुन नेला. याप्रकरणी जुन्नर तालुक्यातील आळे येथील एका ७३ वर्षाच्या ज्येष्ठ नागरिकांनी आळेफाटा पोलीस ठाण्यात फिर्याद (Pune Crime) दिली आहे. ही घटना कल्याण ते अहमदनगर महामार्गावरील ओतुरकडे जाणार्‍या वडगाव आनंद गावातील रिक्षा स्टँडवर सोमवारी सकाळी साडेदहा वाजता घडली.
ज्येष्ठ नागरिक रिक्षा स्टँडजवळ आले असताना दोघांपैकी एकाने त्यांना बोलावून घेतले. त्याच्याकडील पोलीसाचे आयकार्ड दाखवून मला माझ्या वरिष्ठ अधिकार्‍यांनी पाठविले असून पुढे चेकिंग चालू आहे. तुमच्या गळ्यातील सोन्याची चैन व दोन अंगढ्या काढून पिशवीमध्ये ठेवण्यास सांगितले. पिशवीत ठेवत असताना हालचलाखी करुन सोन्याची चैन व २ अंगठ्या असा २ लाख ७६ हजार रुपयांचा ऐवज चोरुन घेऊन गेले. पोलीस असल्याची बतावणी करुन शहरामध्ये यापूर्वी असे प्रकार वारंवार घडत असतात.आता त्याचे लोण ग्रामीण भागात सुरु झाल्याचे दिसून येत आहे.