पोलीसनामा ऑनलाईन टीम : पोलिसांच्या प्रतिमेला धक्का देणारी घटना नुकतीच उघडकीस आली आहे. लग्नाचे आमिष दाखवून पोलीस हवालदाराने पोलीस शिपाई महिलेवर बलात्कार केला. गुन्हा दाखल भोईवाडा पोलीस ठाण्यात करण्यात आला आहे. दोघेही मुंबई पोलीस दलात कार्यरत आहेत. याप्रकरणी भोईवाडा पोलीस अधिक तपास करत आहेत.
मिळालेल्या माहितीनुसार, २०१५ पासून पीडित महिला पोलीसला लग्नाचे आमीष दाखवून शारिरीक संबंध ठेवले. मात्र, पुढे लग्नाबाबात पीडितेने विचारले असता, आरोपी टाळाटाळ करत होता. त्यानंतर पीडितेला संशय आल्यानं, तिने याबाबत चौकशी केली. चौकशी केल्यानंतर पीडितेला धक्काच बसला. आरोपीचे या आधीच लग्न झालं असल्याची पीडितेला माहिती मिळाली. त्यानंतर पीडितेने याबाबत जाब विचारला असता, आरोपीने तिला मारहाण केली. आपली फसवणूक झाल्याचे कळताच संबंधित पोलीस महिलेने पोलिसांत तक्रार करण्याचा निर्णय घेतला.
दरम्यान, आरोपी २०१५ पासून लग्नाचे आमीष दाखवून बलात्कार करत होता. तसेच, आरोपी पोलीस तिला मद्यधुंद अवस्थेत मारहाण देखील करत होता. लग्नाचे आमीष दाखवणाऱ्या आरोपी पोलिसाचे आधीच लग्न झाल्याचे काही दिवसांनी समजले. त्यांनंतर पीडित पोलीस शिपाई महिलेनं पोलिसांत धाव घेत तक्रार केली. त्यानंतर पोलीस या प्रकरणाबाबत अधिक तापस करत आहे. संबंधित महिला देखील भोईवाडा पोलीस ठाण्याच्या हद्दीत राहण्यास आहे.