Shivsena MLA Disqualification Case | ठाकरे गटाच्या आमदाराचा आमदार अपात्रताप्रकरणी खळबळजनक दावा, सर्व निकाल दोन दिवसांपूर्वीच…
मुंबई : शिवसेना आमदार अपात्रता प्रकरणी (Shivsena MLA Disqualification Case) शिवसेना ठाकरे गटाचे (Thackeray Group) सिंधुदुर्ग जिल्ह्यातील आमदार वैभव नाईक (MLA Vaibhav Naik) यांनी केलेल्या एका वक्तव्याने राज्यातील राजकीय वर्तुळात खळबळ उडाली आहे. आमदार अपात्रतेचा सर्व निकाल दोन दिवसांपूर्वीच ठरलाय. मी हे जबाबदारीने बोलतोय, असे नाईक यांनी म्हटले आहे. (Shivsena MLA Disqualification Case )
माजी मंत्री आणि कोकणातील दिग्गज नेते नारायण राणे यांचा पराभव करून आमदार झालेले वैभव नाईक मागील काही दिवसांपासून सातत्याने चर्चेत आहेत. आजही त्यांनी हा खळबळजनक दावा केला आहे.
वैभव नाईक यांनी म्हटले की, दोन दिवसांपूर्वीच सगळा निकाल ठरलाय. मी कामानिमित्त मंत्रालयात आलो होतो, मी हे जबाबदारीने बोलतोय. शिंदे गटाचे आणि अजित पवार गटाचे आमदार मला भेटले. त्यांनी मला सांगितले की, तुम्ही अपात्र होणार. ठाकरे गटाचे आमदार अपात्र ठरणार.
वैभव नाईक म्हणाले, उद्धव ठाकरे गटाचे आमदार अपात्र ठरणार हे काही लोकांना आधीपासूनच माहित होते.
सुनील प्रभू पक्ष प्रतोद म्हणून वैध ठरले होते. त्यांचा व्हीप पहिल्यादिवसापासून आम्ही मानतोय.
हे सर्व वेळकाढूपणाचे धोरण होते. निर्णय त्यांना द्यायचा नव्हता.
सर्वोच्च न्यायालयाने सांगितले, म्हणून ते निकाल देत आहेत. आमच्याविरोधात निकाल आहे.
हे मला नाईलाजाने बोलाव लागतय.
Join our WhatsApp Group, Telegram, facebook page and Twitter for every update
हे देखील वाचा
विरुद्ध दिशेने आलेल्या दुचाकीस्वारामुळे तरुणाने गमावला जीव; दोघांना अटक