Shivsena |धनुष्यबाण कुणाला मिळणार सेना की शिंदे गट? निवडणूक आयोगाने शिवसेनेला दिली ही डेडलाईन
file photoनवी दिल्ली : Shivsena | धनुष्यबाण चिन्हावरून (Dhanushaban Symbol) शिंदे गट (Shinde Group) आणि शिवसेनेतील (Shivsena) वाद सध्या निवडणूक आयोगासमोर (Election Commission) आहे. सर्वोच्च न्यायालयाच्या (Supreme Court) घटनापीठाने या वादावर कार्यवाही करण्यासाठी परवानगी दिली होती. आता निवडणूक आयोगाने शिवसेनेला (Shivsena) आपले म्हणणे मांडण्यासाठी 7 ऑक्टोबर पर्यंतची वेळ दिली आहे.
27 सप्टेंबरला सुप्रीम कोर्टामध्ये झालेल्या सुनावणीत शिवसेनेच्या वादावर तोडगा काढण्यासाठी कोर्टाने निवडणूक आयोगाचा मार्ग मोकळा केला होता. शिवसेनेने (Shivsena) 23 सप्टेंबरला आपले म्हणणे मांडण्यासाठी निवडणूक आयोगाकडे वेळ वाढवून मागितली होती. निवडणूक आयोगाने शिवसेनेला आपले म्हणणे मांडण्यासाठी 7 ऑक्टोबर पर्यंतची वेळ दिली आहे. शिवसेनेच्या पक्षचिन्हाबाबत ठाकरे गट (Thackeray Group) कोणती कागदपत्रे सादर करणार त्यावर 7 ऑक्टोबरला निवडणूक आयोग काय भूमिका घेणार यावर शिवसेना आणि शिंदे गटाचे पुढील राजकीय भवितव्य ठरणार आहे.
मुंबईतील अंधेरी विधानसभा पोटनिवडणूक (Andheri Assembly By-Election) शिंदे गटाने सुद्धा निवडणूक लढवण्याची घोषणा केल्याने येथे शिंदे गट विरूद्ध शिवसेना असा सामना होणार आहे. या निवडणुकीपूर्वी निवडणूक आयोगाचा निर्णय आला तर धनुष्यबाण चिन्हावर कोण लढणार हे पहायला मिळेल. दरम्यान, या पोटनिवडणुकीच्या पूर्वी निवडणूक आयोग निर्णय घेणार असल्याचे सूत्रांनी सांगितले.
शिवसेनेचे आमदार रमेश लटके (MLA Ramesh Latke) यांच्या निधनामुळे अंधेरी पूर्व मतदारसंघात पोटनिवडणूक होत आहे. या निवडणुकीसाठी भाजपने (BJP) उमेदवार देण्याची घोषणा केली आहे.
शिंदे गटाने आधीच याला पाठिंबा दिला आहे.
पण अंधेरी पोटनिवडणुकीत उद्धव गटाला अडचणीत आणण्याची शिंदे गटाची रणनीती आहे.
पोटनिवडणुकीत ठाकरे गटाला न्यायालयीन दणका देण्यासाठी शिंदे गटाकडून देखील उमेदवारी अर्ज दाखल केला जाऊ शकतो, अशी माहिती सूत्रांनी दिली आहे.
धनुष्यबाण चिन्ह मिळू नये यासाठी सर्वोच्च न्यायालयात शिंदे गट न्यायालयीन लढाई लढणार आहे.
न्यायालयीन लढाईत शिंदे गटाकडून देखील धनुष्यबाण चिन्हावर निवडणूक लढवण्यासाठी आणि
ठाकरे गटासमोर पेच निर्माण करण्यासाठी ही चाल खेळली जाणार असल्याचे सूत्रांकडून समजते.
Web Title :- Shivsena | the election commission has given shivsena time till october 7
Join our WhatsApp Group, Telegram, facebook page and Twitter for every update