वॉशिंग्टन : वृत्तसंस्था – जगभराविषयी काहीही माहिती हवी असेल तर आपण गुगलवर सर्च करतो. सर्व जण आपली माहिती जगभरातील लोकांना उपलब्ध व्हावी, यासाठी गुगलचा आधार घेतात. याचा फायदा घेऊन बातम्यांवर काहीही खर्च न करता गुगलने सर्च आणि बातम्या या द्वारे २०१८ मध्ये तब्बल ४.७ अब्ज डॉलरचे उत्पन्न मिळविले आहे.
गुगलने माध्यम समूहांच्या आनलाईन जाहिरातींचा मोठा भाग स्वत:कडे ओढून घेतला आहे. त्यामुळे अनेक माध्यम समूहांच्या उत्पादनात घट झाली आहे. न्यूज मीडिया अलायन्स (एनएमए) या संस्थेने केलेल्या एका अभ्यासात ही माहिती देण्यात आली आहे. ही संस्था अमेरिकेतील २ हजार वृत्तपत्रांचे प्रतिनिधित्व करते. ‘एनएमए’चे अध्यक्ष डेव्हिड चॅवेर्न यांनी म्हटले आहे की, बातम्या हा गुगलच्या उत्पन्नाचा मोठा भाग आहे. पत्रकारांनी उभ्या केलेल्या बातम्यांच्या मजकुरातून गुगलला ४.७ अब्ज डॉलरचा ‘कट’ मिळाला आहे.
‘एनएमए’ने जारी केलेल्या अहवालात म्हटले आहे की, कॅलिफोर्नियास्थित बलाढ्य इंटरनेट कंपनीने सर्च आणि गुगल न्यूज याद्वारे ४.७ अब्ज डॉलरचे उत्पन्न मिळविले आहे.
अमेरिकेतील सर्व माध्यम समूहांचा डिजिटल जाहिरातींद्वारे मिळालेला एकत्रित महसूल ५.१ अब्ज डॉलर आहे. गुगलने मिळविलेला महसूल जवळपास एवढाच आहे. या महसुलात गुगलकडून गोळा करण्यात येणाऱ्या ग्राहकांच्या वैयक्तिक डाटाचे मूल्य गृहीत धरलेले नाही. प्रत्येक ग्राहकाच्या क्लिकच्या माध्यमातून हा डाटा गुगलला मिळतो. ‘फिलाडेल्फिया इन्क्वायरर’ या वृत्तपत्राच्या मालक कंपनीचे मुख्य कार्यकारी टेरेन्स सी झेड इगर यांनी सांगितले की, प्लॅटफॉर्म्स आणि माध्यम उद्योग यातील सध्याचे संबंध उद्ध्वस्त करणारे आहेत. गुगलच्या ट्रेंडिंग विचारणांमधील ४० टक्के क्लिक बातम्यांसाठी असतात. गुगल बातम्यांचा जो मजकूर वापरते त्यासाठी ती काहीही खर्च करीत नाही. जगभरातील माध्यम समूहांच्या हेडलाइन्स गुगलकडून जशास तशा वापरल्या जातात.
‘दारू’ आणि ‘पेनकिलर’ एकत्र घेणे धोकादायक !
श्वसनाचे आजार दूर करण्यासाठी करा ‘हे’ सोपे उपाय
अहंकार आणि भीती दूर करण्याचे प्रभावी साधन ‘योगा ‘
सेक्स शरीरासाठी आवश्यक, पहा तज्ज्ञ काय सांगतात