कोल्हापूर : पोलीसनामा ऑनलाइन – वाढदिवशीच तरुणीने मंदिरात आत्महत्या केल्याच्या घटनेने कोल्हापूर जिल्हा हादरून गेला आहे. मंदिरात घंट्याला तरुणीचा मृतदेह लटकलेल्या अवस्थेत आढळून आल्याने खळबळ उडाली आहे. तरुणीची आत्महत्या की घातपात, याचे गुढ कायम आहे. माहिती मिळताच पोलिसांनी घटनास्थळी धाव घेतली.
मिळालेल्या माहितीनुसार, राधानगरी तालुक्यातील कसबा तारळे गावात ही खळबळजनक घटना घडली आहे. कौसर नायकवाडी असे मृत तरुणीचे नाव आहे. पोलिसांनी मृतदेह ताब्यात घेतला असून शवविच्छेदनासाठी पाठवला आहे. शवविच्छेदनाचा अहवाल आल्यानंतर तिच्या मृत्यूचे कारण समजू शकेल असे पोलिसांकडून सांगण्यात येत आहे.
कौसर ही इयत्ता अकरावीमध्ये शिकत असून तिचा आज वाढदिवस होता. त्यामुळे वाढदिवस साजरा करण्यासाठी ती गावाजवळील गजानन महाराज मंदिरात गेली होती. तिचे मित्र-मैत्रिणी निघून गेल्यानंतर तिचा मृतदेह गावातील एका देवीच्या मंदिरातील घंट्याला लटकलेल्या अवस्थेत आढळून आला. दरम्यान, नातेवाईकांनी तिची आत्महत्या नाही तर घातपात असल्याचे म्हटले आहे. तिच्या वाढदिवस साजरा करतेवेळी असलेल्या मुलांना ताब्यात घेऊन सखोल चौकशी करण्याची मागणी नातेवाईकांनी केली आहे. तसेच जोपर्य़ंत आरोपीला पोलीस पकडत नाहीत तोपर्यंत मुलीचा मृतदेह ताब्यात घेण्यास नातेवाईकांनी नकार दिला. पुढील तपास पोलीस करीत आहेत.
Visit : Policenama.com
- दुधासोबत ‘या’ ४ गोष्टी कधीही खाऊ नका, हे आहेत ८ धोके, जाणून घ्या
- लसणाचे तेल लावल्यास दूर पळतील डास, ‘हे’ आहेत १० उपयोग
- शारीरिक कमजोरी, लठ्ठपणा दूर करण्यासाठी वेलची गुणकारी, ‘हे’ आहेत ७ उपयोग
- ‘शॉवर’खाली जास्त वेळ बसल्यास होतो ‘हा’ त्रास, या ४ गोष्टी लक्षात ठेवा
- ‘हे’ आहेत ८ चांगले-वाईट चरबीयुक्त पदार्थ, वजन राहील नियंत्रणात
- सूर्यप्रकाश व खेळत्या हवेअभावी वेगाने पसरतात टीबीचे जंतू, ‘या’ ७ प्रकारे घ्या काळजी
- नियमित नारळपाणी प्यायल्यास आजार राहतील दूर, ‘हे’ आहेत ५ फायदे !