Sunetra Pawar | सुनेत्रा पवारांची बारामतीकरांना ग्वाही, मला सर्व प्रश्नांची जाण, जबाबदारीची जाणीव ठेवूनच काम करेन
पुणे : पोलीसनामा ऑनलाईन – Sunetra Pawar | माझ्या सामाजिक कार्याची सुरुवातच मी काटेवाडी गावातून केली आहे. त्यामुळे मला गावापासून शहरापर्यंतच्या प्रश्नांची जाण आहे. या प्रश्नांची सोडवणूक करणे ही माझी जबाबदारी आहे. या जबाबदारीची जाणीव ठेवूनच मी काम करत राहीन, अशी ग्वाही बारामतीमधील महायुतीच्या उमेदवार सुनेत्रा पवार यांनी बारामतीकरांना दिली. त्या प्रचारादरम्यान एका गावभेटीत बोलत होत्या. (Baramati Lok Sabha)
सुनेत्रा पवार यांचा जोरदार प्रचार सध्या बारामतीमध्ये सुरू आहे. त्या गावोगावी भेटी देत असून जोरदार भाषणही करत आहेत. मतदारांना विकासाचे आश्वासन देऊन मतदान करण्याचे आवाहन त्या गावोगावी करत आहेत.
या गावभेटीत सुनेत्रा पवार म्हणाल्या, सामान्य जनतेच्या प्रश्नांची सोडवणूक व्हावी हा अजितदादांचा आग्रह असतो.
त्यांच्या कामाचा आवाका आणि पद्धत ही संपूर्ण महाराष्ट्राला अवगत आहे.
त्यामुळेच बारामती लोकसभा मतदारसंघाचा विकास हाच मुद्दा घेवून मी ही निवडणूक लढवत आहे.
केंद्र आणि राज्य सरकारच्या माध्यमातून अधिकाधिक प्रश्नांची सोडवणूक करण्यावर माझा भर असेल.
सुनेत्रा पवार म्हणाल्या, लोकसभा निवडणुकीच्या निमित्ताने महायुतीची वज्रमूठ घट्ट झाली आहे.
ही एकजूट कायम ठेवून सर्वांनी आपल्या भागातून घड्याळाला अधिकाधिक मतदान मिळवून देण्यासाठी प्रयत्न करावेत.
उज्वल भवितव्यासाठी घड्याळाला मतदान करुन हक्काच्या व्यक्तीला खासदार म्हणून संसदेत पाठवाल अशी अपेक्षा आहे.
अजित पवारांचा वादा आणि मोदींची गॅरंटी याचा रोज प्रचारादरम्यान प्रत्यय येत आहे.
आम्ही आमची जबाबदारी पार पाडू पण तुम्ही आम्हाला मतदान करुन विजयी करा, असे आश्वासन त्यांनी दिले.
Join our WhatsApp Group, Telegram, facebook page and Twitter for every update
हे देखील वाचा