एसके आणि एसके पुन्हा एकत्र : राजकीय वर्तुळात चर्चेला उधाण

राज्यसभेचे खासदार आणि भारतीय जनता पक्षाचे सहयोगी सदस्य संजय काकडे यांनी गणेशोत्सवादरम्यान शहरातील प्रामुख्याने कसबा, पर्वती आणि खडकवासला विधानसभा मतदार संघात भेटीगाठीचा धडाका लावला आहे. त्यांनी जवळपास सर्वच प्रमुख गणेश मंडळांना भेटी दिल्या आहेत. बाळासाहेब मारणे अध्यक्ष असलेल्या बाबू गेनू मंडळाला संजय काकडे यांनी भेट दिली. त्यावेळी तेथे सुरेश कलमाडी देखील उपस्थित होते. दोघांची भेट योगायोगाने झाली असली तरी या भेटीमुळे राजकीय क्षेत्रात चर्चेला उधाण आले आहे. खा. काकडे यांचा जनसंपर्क दांडगा आहे. अलिकडील सर्वच सार्वजनिक कार्यक्रम ते आवर्जुन सहभागी होतात. गेल्या दोन दिवसांमध्ये काकडे यांनी प्रामुख्याने मार्केटयार्ड, मुकुंदनगर, बिबवेवाडी, सहकारनगर, धनकवडी, पर्वती परिसर, टिळक रोड, शनिवार पेठ, नारायण पेठ, शुक्रवार पेठ, सदाशिव पेठ, मंडई, कसबा पेठ, गणेश पेठ, नाना पेठ आणि इतर भागातील प्रमुख गणेश मंडळांना भेटी देण्यास सुरवात केली आहे. काकडे यांनी आतापासुनच लोकसभेची तयारी सुरू केली असल्याची चर्चा आहे.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’fe1a809e-bd6b-11e8-b06d-c7fdcf78f264′]