Video : कुटुंबासह शेवटचा बर्थडेला कपाळावर टिळा लावून हसताना दिसला होता सुशांत सिंह राजपूत, व्हिडीओ व्हायरल

नवी दिल्ली : वृत्तसंस्था : अभिनेता सुशांत सिंह राजपूत यांच्या आठवणीने त्यांचे चाहते इन्स्टाग्रामवर जोडले राहू शकतील कारण या प्लॅटफॉर्मने त्यांचे खाते ‘संस्मरणीय’ श्रेणीत ठेवले असून त्यात देण्यात आलेल्या माहितीमध्ये ‘रिमेम्बरिंग’ लिहिले गेले आहे. ‘काई पो चे’, ‘एमएस धोनी: द अनटोल्ड स्टोरी’, ‘छिचोरे’ या चित्रपटांतील सुशांत सिंह राजपूत (34) रविवारी वांद्रे येथील त्यांच्या घरी मृत अवस्थेत आढळले. या घटनेची माहिती मिळताच चित्रपटसृष्टी आणि त्यांच्या चाहत्यांमध्ये शोककळा पसरली.

सुशांत सिंह राजपूत यांच्या अकाली निधनानंतर काही दिवसांनंतर, इन्स्टाग्रामने त्याच्या अकाऊंटवर देण्यात आलेल्या माहितीत ‘रिमेम्बरिंग’ जोडले आणि त्यास ‘संस्मरणीय’ श्रेणीत समाविष्ट केले. संस्मरणीय श्रेणीचा अर्थ असा आहे की एखाद्याच्या गेल्यानंतर त्याच्या आठवणी या खात्यात संचयित केल्या जाणे. फोटो-व्हिडिओ शेअरिंगशी संबंधित या वेबसाइटनुसार, कोणीही ‘संस्मरणीय’ खात्यावर लॉग इन करू शकत नाही. मृत्यूपूर्वी अकाउंट ऑपरेटरने जे व्हिडिओ, फोटो येथे पोस्ट केले असतील ते त्या यूजर्सना दिसतील ज्यांना हे शेअर केले गेले असतील.

सुशांतचा जन्म बिहारमध्ये झाला होता

सुशांत सिंह राजपूत यांचा एक जुना व्हिडिओ आणि फोटो सध्या जोरदार व्हायरल होत आहे. असं म्हणतात की हा व्हिडिओ त्याच्या वाढदिवसाचा आहे. 21 जानेवारी रोजी बिहारमध्ये सुशांतचा जन्म झाला होता. व्हिडिओनुसार सुशांतने शेवटचा आपला वाढदिवस आपल्या कुटूंबियांसह साजरा केला. व्हिडिओमध्ये सुशांत सिंह राजपूत पारंपरिक पद्धतीने आपला वाढदिवस साजरा करताना दिसत आहे.

घरात मोठ्या पूजेचे आयोजन

व्हिडिओमध्ये पाहिले जाऊ शकते की एका मोठ्या पूजेचे आयोजन सुशांतच्या वाढदिवसानिमित्त घरात करण्यात आले आहे. यादरम्यान सुशांत भजन गात आहे. त्याने पारंपारिक पोशाख घातला असून कपाळावर चंदन लावले आहे. सुशांतसोबत त्याचे कुटुंबही या निमित्ताने खूप आनंदी दिसत आहे.