फरार आहे का सुशांतची गर्लफ्रेंड रिया चक्रवर्ती, मुंबई पोलिसांनी दिलं ‘हे’ उत्तर

मुंबई : पोलीसनामा ऑनलाइन – सुशांत सिंह राजपूतच्या कुटूंबाने जेव्हापासून रियावर सुशांतला आत्महत्येसाठी प्रवृत्त केल्याचा आरोप केला आहे, तेव्हापासून प्रकरण अधिकच तीव्र झाले आहे. पोलिसांनीही त्यांचा तपास तीव्र केला आहे. एकीकडे बिहार पोलिसांनी रिया चक्रवर्तीविषयी सांगितले की, सुशांत आत्महत्या प्रकरणात पकडण्याच्या भीतीने ती गायब झाली आहे. त्याचबरोबर मुंबई पोलिसांनी याचे उत्तर दिले आहे. मुंबई पोलिसांनी रियाचे निवेदनही नोंदवले आहे.

मुंबई पोलिसांचे म्हणणे आहे की, रिया गायब झालेली नाही. सुरुवातीपासूनच ती या प्रकरणात पोलिसांना सहकार्य करत आहे. जेव्हा जेव्हा रियाला बोलावले गेले तेव्हा ती उपस्थित होती. अद्याप त्यांना बिहार पोलिसांकडून कोणतीही नोटीस मिळालेली नाही. त्यांनी यापूर्वी हे प्रकरण मुंबईला हलवण्यासाठी सर्वोच्च न्यायालयात याचिका दाखल केली होती.

रिया चक्रवर्तीचा एक व्हिडिओ व्हायरल होत आहे, ज्यामध्ये ती तिच्यावरील आरोपांबद्दल भावनिक झालेली दिसली. तिने सत्यमेव जयतेचा जयघोष करत म्हटले की, ती निर्दोष आहे आणि सत्य नक्कीच जिंकेल.

बिहार पोलिसांकडे प्रश्नांची यादी तयार
बिहार पोलिसांचा असा विश्वास होता की, पोलिसांचा रिया चक्रवर्तीशी मोबाईलवर संपर्क होऊ शकत नाही. बिहार पोलिस रियाविरूद्ध लुकआउट नोटीस बजावण्याच्या विचारात होते. वास्तविक सुशांत सिंह राजपूत आत्महत्या प्रकरणात पोलिसांना गर्लफ्रेंड रिया चक्रवर्तीविरूद्ध महत्त्वपूर्ण पुरावे सापडले आहेत. तिच्या चौकशीसाठी प्रश्नांची यादी तयार केली गेली आहे. तत्पूर्वी बिहार पोलिसांची एक टीम रियाच्या घरी पोहोचली, पण ती तेथेही सापडली नाही.