नवी दिल्ली : वृत्तसंस्था – Tax Planning | यावेळी बहुतांश लोकांनी आयकर भरला असेल. तुम्हालाही तुमच्या करांची काळजी वाटत असेल, तर स्मार्ट प्लॅनिंग करून कर वाचवू शकता. यासाठी तुम्हाला सोप्या पद्धतींचा अवलंब करावा लागेल. भारतात दोन प्रकारचे कर भरावे लागतात – प्रत्यक्ष कर आणि अप्रत्यक्ष कर. यातून अप्रत्यक्ष कर टाळण्याचा कोणताही मार्ग नाही, पण प्रत्यक्ष कर नक्कीच कमी करता येईल. (Tax Planning)
मात्र, त्यासाठी विशेष नियोजन आवश्यक आहे. हे नवीन वर्ष आहे, त्यामुळे तुमच्या आर्थिक उद्दिष्टांच्या आधारे तुमचे कर नियोजन लवकरात लवकर करा. PPF, NSC आणि लाईफ इन्शुरन्स (Life Insurance) प्रीमियमसह 10 मार्ग आहेत ज्याद्वारे तुम्ही तुमचे कर दायित्व कमी करू शकता.
1. Public Provident Fund (PPF)
कर वाचवण्यासाठी पीपीएफ हा फार पूर्वीपासून पसंतीचा कर बचत पर्याय आहे. या अंतर्गत, प्रत्येक आर्थिक वर्षात तुम्हाला आयकर कलम 80C अंतर्गत 1.5 लाख रुपयांचे डिडक्शन मिळू शकते. याशिवाय तुम्हाला यावर 7-9 टक्के रिटर्नही मिळू शकतो. PPF वर सरकारी हमी आहे, म्हणजेच हा सर्वात सुरक्षित गुंतवणूक आणि कर बचत पर्यायांपैकी एक आहे.
पीपीएफमध्ये गुंतवणुकीचा फायदा असा आहे की त्यात जमा केलेले भांडवल, व्याज आणि मॅच्युरिटी रक्कम हे सर्व करमुक्त आहे. मात्र, त्यात गुंतवलेले भांडवल 15 वर्षांसाठी साठवले जाते, म्हणजेच अल्प मुदतीच्या गुंतवणूकदारांसाठी हा चांगला पर्याय नाही. (Tax Planning)
–
2. National Pension Scheme (NPS)
एनपीएस ही सरकार प्रायोजित पेन्शन योजना आहे, ज्यावर कर सवलत देखील उपलब्ध आहे. करदाते कलम 80CCD(1B) अंतर्गत 50,000 रुपयांच्या कपातीचा दावा करू शकतात आणि हा लाभ कलम 80C अंतर्गत उपलब्ध असलेल्या फायद्यांव्यतिरिक्त आहे.
3. आयुर्विमा पॉलिसीसाठी भरलेला प्रीमियम
जीवन विमा पॉलिसी अधिक लोकप्रिय होत आहेत. तुम्ही या पॉलिसीसाठी भरलेल्या प्रीमियमवर कलम 80C अंतर्गत 1.5 लाख रुपयांपर्यंतचे डिडक्शन मिळवू शकता. मात्र, हा लाभ घेण्यासाठी, विमा संरक्षण प्रीमियम रकमेच्या दहापट किंवा अधिक असणे आवश्यक आहे.
4. National Savings Certificate (NSC)
जो जोखीम सहन करू शकत नाही अशा करदात्यांना कर वाचवण्याचा आणखी एक सरकारी पर्याय म्हणजे एनएससी आहे. यात गुंतवणुकीसाठी किमान रकमेची आवश्यकता नाही, परंतु कलम 80C अंतर्गत केवळ 1.5 लाख रुपयांपर्यंतच्या ठेवींवर कर बचतीचा दावा केला जाऊ शकतो. याचा लॉक-इन कालावधी 5 वर्षांचा आहे, याचा अर्थ जोखीम नको असलेल्या व्यक्तींसाठी हा एक चांगला अल्पकालीन कर बचत पर्याय असू शकतो.
–
5. Equity Linked Savings Scheme (ELSS)
कर बचतीसाठी ELSS अधिकाधिक लोकप्रिय होत आहे कारण ते इक्विटी आधारित आहे म्हणजेच बाजाराशी जोडलेले आहे, त्यात उत्तम परतावा देण्याची क्षमता आहे. या व्यतिरिक्त, हा एक पसंतीचा पर्याय देखील बनत आहे कारण सर्व कर बचत पर्यायांमध्ये सर्वात कमी लॉक-इन कालावधी आहे. ईएलएसएसचा लॉक इन कालावधी 3 वर्षांचा आहे. त्यात जमा केलेल्या पैशांवर कलम 80 सी अंतर्गत दीड लाख रुपयांपर्यंतच्या कपातीचा लाभ मिळू शकतो.
–
6. गृहकर्ज (Home Loan)
तुम्ही घरासाठी घेतलेल्या कर्जाच्या मूळ रकमेवर कलम 80 सी अंतर्गत 1.6 लाख रुपयांचे डिडक्शन मिळवू शकता. याशिवाय 2 लाख रुपयांपर्यंतच्या गृहकर्जावरील व्याजावर आयकर कलम 24B अंतर्गत अतिरिक्त कर वाचवू शकतो.
7. कर वाचवणारी एफडी (Tax-saving FD)
पाच वर्षांच्या मुदतीसह कर वाचवणारी एफडी हे ज्येष्ठ नागरिक आणि सेवानिवृत्तांसाठी पसंतीच्या कर बचत पर्यायांपैकी एक आहे.
याद्वारे कलम 80 सी अंतर्गत 1.5 लाख रुपयांपर्यंतच्या कपातीचा लाभ घेता येईल.
मात्र, FD वर मिळणार्‍या व्याजावर TDS (Tax Deducted at Source) आकारला जातो, जो फॉर्म 15G भरून वाचवला जाऊ शकतो.
8. Sukanya Samriddhi Account
मुलींचे भविष्य सुरक्षित करण्यासाठी सरकारकडून सुकन्या समृद्धी खात्याची सुविधा उपलब्ध करून दिली जाते.
तुम्ही या खात्यात जमा केलेल्या पैशावर कलम 80 सी अंतर्गत 1.5 लाख रुपयांपर्यंत कर सवलत मिळवू शकता.
कर सवलतीचा लाभ केवळ या खात्यात जमा केलेल्या पैशांवरच नाही तर व्याजावरही मिळतो.
–
9. मुलांची ट्यूशन फी (Children’s tuition fees)
पगाराचे उत्पन्न असेल तर 2 मुलांपर्यंतच्या शिक्षणावरही कर बचत करता येते.
तुम्ही दोन मुलांपर्यंतच्या शिक्षणासाठी कलम 80 सी अंतर्गत 1.5 लाख रुपयांच्या कर कपातीचा दावा करू शकता.
10. बचत खात्यावर मिळणारे व्याज (Interest On Saveing Account)
तुमचे कोणत्याही बँकेत बचत खाते असेल, तर त्यावर मिळणार्‍या व्याजावर कर लाभ मिळू शकतो.
60 वर्षांखालील करदाते बचत खात्यावर 10 हजार रुपयांपर्यंतच्या व्याजावर कर वाचवू शकतात आणि वयापेक्षा जास्त वयाचे करदाते म्हणजेच ज्येष्ठ नागरिक 50 हजार रुपयांपर्यंतच्या व्याजावर कर वाचवू शकतात.
Web Title :- Tax Planning | how to save tax top 10 best way to save income tax money know itr filling smart trick
Join our WhatsApp Group, Telegram, facebook page and Twitter for every update