युट्युब व्हिडिओसाठी स्टंटबाजी बेतली जीवावर , तरुणाचा जागीच मृत्यू

मुंबई : पोलीसनामा ऑनलाईन – सोशल मीडियावर हिट होण्यासाठी हल्लीची तरुणाई काय करेल आणि काय नाही याचा नेम नाही. त्यातही जीवाची पर्वा न करता स्टंटबाजी करण्याची क्रेझ तरुणांमध्ये वाढताना दिसत आहे. याच भपक्या स्टंटबाजीपायी एकाचा हकनाक जीव गेल्याची घटना मुंबईला येथे घडली आहे. व्हिडीओ करण्यासाठी धावत्या लोकलमध्ये स्टंट करताना दहावीत शिकणाऱ्या मुलाचा मृत्यू झाला आहे. मोहम्मद जुबेर असे या १७ वर्षीय मुलाचे नाव आहे.

याबाबत मिळालेली अधिक माहिती अशी की, वजाळा पूर्व, बरकत अली नाका येथे राहणारा तरुण सीएसएमटी इथं एका शाळेत शिकत होता. शाळेतून लोकलने घरी परत येत असताना त्याने दरवाज्यात उभा राहून स्टंटबाजीला सुरुवात केली. डब्यातील लोकांनी त्याला आत बसण्याचा सल्ला दिला. मात्र, त्याकडे कानाडोळा करत मोहम्मदने स्टंटबाजी सुरूच ठेवली. सॅण्डहर्स्ट रोड ते डॉकयार्ड रोड स्थानकादरम्यान लोकल असताना मोहम्मदने दरवाज्यातील खांबाला पकडून शरीर लोकल बाहेर झोकून दिले. त्यावेळी रुळाच्या बाजुला असलेल्या एका खांबाला मोहम्मद धडकला आणि यातच त्याचा मृत्यू झाला. या अपघाताची नोंद वडाळा रेल्वे पोलिस ठाण्यात करण्यात आल्याचे रेल्वे पोलिसांनी सांगितले.

Loading...
You might also like