Uday Samant On Aaditya Thackeray | मंत्री उदय सामंतांचा आदित्य ठाकरे यांच्यावर गंभीर आरोप, उद्योग बाहेर जाण्याचे सांगितले कारण?
मुंबई : Uday Samant On Aaditya Thackeray | राज्यात एकीकडे मराठा आरक्षण (Maratha Reservation) आंदोलन तीव्र झालेले असताना दुसरीकडे सर्वपक्षीय नेते एकमेकांवर राजकीय आरोप-प्रत्यारोप, टीका-टिपण्णी करताना दिसत आहेत. आता मंत्री उदय सामंत यांनी शिवसेना ठाकरे गटाचे (Shiv Sena Thackeray Group) नेते आदित्य ठाकरे (Uday Samant On Aaditya Thackeray) यांच्यावर गंभीर आरोप केला आहे. उद्योग विश्वामध्ये अविश्वासाचे वातावरण निर्माण करणाऱ्या सचिन वाझेच्या (Sachin Waze) मागे ठाकरे उभे होते, त्यांच्यामुळेच मुंबईची प्रतिमा डागाळली आणि असुरक्षिततेच्या कारणातून उद्योग बाहेर जाऊ लागले, असा आरोप सामंत यांनी केला आहे.
शिंदे-फडणवीसांच्या काळात राज्यातील उद्योग बाहेर जात असल्याचा आरोप शिवसेना ठाकरे गटाने केला होता. यासंदर्भात मंत्री सामंत यांनी त्यांच्या एक्स अकाऊंटवर एक पोस्ट केली आहे. यात त्यांनी म्हटले की, वेदांत फॉक्सकॉन, एअरबस टाटा आणि बल्क ड्रग पार्क यांसारख्या मोठ्या उद्योगांना महाराष्ट्राबाहेर जाण्यास ठाकरे सरकार जबाबदार आहे.
सामंत यांनी म्हटले की, २०२० मध्ये कोठडीतील आरोपीच्या झालेल्या मृत्यूला जबाबदार धरून पोलीस सेवेतून बडतर्फ करण्यात आलेल्या सचिन वाझे याला पुन्हा सेवेत रुजू करण्यात आले. आदित्य ठाकरे यांनी मुख्यमंत्री उद्धव ठाकरे (Uddhav Thackeray) यांच्याकडे सचिन वाझे यांना पुन्हा सेवेत घेण्यास सांगितल्याची माहिती आहे. (Uday Samant On Aaditya Thackeray)
वाझे यांनी फेब्रुवारी २०२१ मध्ये भारतातील सर्वात प्रतिष्ठित व्यावसायिक कुटुंबाच्या निवासस्थानाखाली जिलेटिनच्या कांड्या आणि स्फोटकांनी भरलेली कार लावली. खासदार संजय राऊत MP Sanjay Raut (महाविकास आघाडी सरकारचे निर्माते) मार्च २०२१ यांनी वाझेची पाठराखण केली आणि त्याला प्रामाणिक आणि सक्षम अधिकारी असल्याचे सांगितले.
या घटनेमुळे व्यापार जगतात गोंधळाची आणि अविश्वासाची लाट आली आणि राज्यावरील त्यांच्या विश्वासाला तडा गेला.
त्यामुळे व्यवसायासाठी सुरक्षित ठिकाण म्हणून मुंबईची प्रतिमाही डागाळली. ठाकरे सरकारने वाझे यांना दिलेल्या
संपूर्ण पाठिंब्याने व्यवसाय आणि गुंतवणूकदारांचे मनोधैर्य खचले होते.
वाझेने केलेले कृत्य आणि त्याला दिलेले राजकीय संरक्षण हे व्यवसाय आणि गुंतवणुकीसाठी सुरक्षित ठिकाण
म्हणून महाराष्ट्रावर दीर्घकाळ प्रभाव टाकेल. परंतु गेल्या एका वर्षात घेतलेल्या विविध निर्णय आणि धोरणांद्वारे
आम्ही आता गुंतवणूकदारांचा विश्वास संपादन करत आहोत.
महाराष्ट्र राज्यातून उद्योगधंदे बाहेर काढण्यात ठाकरे सरकारने मोठी भूमिका बजावली होती.
मोठमोठ्या प्रकल्प आणण्याचे राजकारण करण्याऐवजी गुंतवणूकदारांचा राज्य सरकारवरील विश्वास उडवल्याबद्दल
त्यांनी राज्यातील जनतेची माफी मागितली पाहिजे, असे सामंत यांनी या पोस्टमध्ये म्हटले आहे.
Join our WhatsApp Group, Telegram, facebook page and Twitter for every update
हे देखील वाचा
Mumbai Pollution | आदित्य ठाकरेंमुळे वाढले मुंबईचे प्रदूषण; आशिष शेलारांचा हास्यास्पद आरोप