ब्रिटनमध्ये दक्षिण अफ्रीकातून परतलेल्या लोकांमध्ये आढळला ‘कोरोना’चा नवा स्ट्रेन, पहिल्यापेक्षा जास्त घातक

लंडन : ब्रिटनचे आरोग्य मंत्री मॅट हँकॉक यांनी बुधवारी सांगितले की, दक्षिण अफ्रीकेत समोर आलेल्या कोविड-19 च्या नव्या रूपाचे (स्ट्रेन) सुद्धा दोन प्रकार ब्रिटनमध्ये मिळाले आहेत. ब्रिटनमध्ये कोरोना व्हायरसचे ज्याप्रकारे नवीन रूप मिळाले आहे, त्याच प्रमाणे दक्षिण अफ्रीकेत व्हायरसच्या वेगळ्या प्रकारची माहिती मिळाली आहे. तज्ज्ञांनी सावध केले आहे की, व्हायरसच्या नव्या रूपामुळे देशाला संसर्गाच्या दुसर्‍या लाटेचा सामना करावा लागत आहे. हँकॉक म्हणाले, नव्या रूपाच्या दोन्ही प्रकारातील लोक मागील काही आठवड्यांत दक्षिण अफ्रीकेचा प्रवास करून परतलेल्या प्रवाशांच्या संपर्कात आले होते.

त्यांनी म्हटले, व्हायरसच्या नव्या रूपाचे समोर येणे खुप चिंताजनक आहे. कारण हा खुप वेगाने संसर्ग पसरवतो आणि असे दिसून येते की, ब्रिटनमध्ये मिळालेल्या नव्या रूपाशिवाय सुद्धा व्हायरसमध्ये बदल झाला आहे. मंत्र्याने दक्षिण अफ्रीकेच्या प्रवासावर ताबडतोब प्रतिबंध लावण्याबाबत दुजोरा दिला आणि म्हटले की, मागील एका पंधरवड्यात दक्षिण अफ्रीकेतून आलेले लोक किंवा त्यांच्या संपर्कात आलेल्यांनी ताबडतोब क्वारंटाइन झाले पाहिजे.

ब्रिटनचे शास्त्रज्ञ दक्षिण पूर्व इंग्लंडमध्ये एका प्रयोगशाळेत व्हायरसच्या नव्या रूपाची तपासणी करत आहेत. कोरोना व्हायरसच्या नव्या रूपामुळे ब्रिटनच्या मोठ्या भागाला प्रतिबंधाचा सामना करावा लागेल. ब्रिटनमध्ये बुधवारी संसर्गाची 36,804 प्रकरणे आली. महामारी सुरू झाल्यानंतर इतकी प्रकरणे आली आहेत. संसर्ग वेगाने पसरत असल्याने पूर्व आणि दक्षिण-पूर्व इंग्लंडमध्ये ख्रिसमसनंतर 26 डिसेंबरपासून श्रेणी चारचा प्रतिबंध लावला जाईल.

संसर्गापासून बचाव करण्यासाठी सुधारित नियमांतर्गत श्रेणी एक ते तीन अंतर्गत असलेल्या भागात राहणारे लोक ख्रिसमसमध्ये एकमेकांना भेटू शकतात. श्रेणी चारच्या भागात राहणारे लोक घरातील सदस्यांसोबतच ख्रिसमस साजरा करू शकतात.