WhatsApp यूजर्ससाठी खुशखबर ! मेसेज डिलीट करण्यासाठी आता मिळणार 2 दिवस, आले नवीन अपडेट
नवी दिल्ली : वृत्तसंस्था – लोकप्रिय मेसेजिंग प्लॅटफॉर्म WhatsApp ने आज अॅपचे अपडेट जाहीर केले आहे जे यूजर्सला मेसेज पाठवल्यानंतर तो दोन दिवसांनी डिलीट करण्याची परवानगी देईल. यापूर्वी, मेसेज पाठवल्यानंतर तासाभरात तो डिलीट करण्याचा पर्याय होता. (WhatsApp)
मेटाच्या मालकीची कंपनी व्हॉट्सअॅपने ट्विटरवर सांगितले की, हा पर्याय त्यांच्यासाठी नक्कीच उपयुक्त आहे जे आधीच पाठवलेल्या मेसेजवर पुनर्विचार करत आहेत. मात्र, नवीन फीचरसाठी यूजर्सना त्यांचे व्हॉट्सअॅप अपडेट (WhatsApp Update) करावे लागणार आहे.
व्हॉट्सअॅप यूजर्सकडे मेसेज पाठवल्यानंतर तो डिलीट करण्यासाठी 2 दिवस आणि 12 तासांचा अवधी असेल. पूर्वी ही मर्यादा फक्त 1 तास, 8 मिनिटे आणि 16 सेकंदांची होती. व्हॉट्सअॅपमध्ये पाठवलेला मेसेज डिलीट करण्यासाठी, तुम्हाला फक्त त्यावर टॅप करून काही सेकंद धरून ठेवावे लागेल, त्यानंतर डिलीट बटणावर टॅप करा.
विशेष म्हणजे WhatsApp यूजर्सना मेसेज डिलीट करण्यासाठी लागणारा वेळ वाढवत असताना,
अॅपल आयमेसेजच्या विरुद्ध दिशेने जात आहे. आयओएस 16 च्या पहिल्या बीटा व्हर्जनमध्ये,
यूजर्सना मेसेज डिलीट करण्यासाठी 15 मिनिटे होती. आता नवीन बीटासह, ही मर्यादा फक्त दोन मिनिटांपर्यंत कमी करण्यात आली आहे.
ही सुविधा खुप वादग्रस्त ठरली आहे कारण काही यूजर्सना असे वाटते
की, मेसेज एडिट करणे पाठवण्याच्या पर्यायांचा वापर चुकीच्या हेतूंसाठी केला जाऊ शकतो.
यामुळे Apple ला iMessage मध्ये संपादित संदेशांसाठी बदल इतिहास नोंद असावी, असे सांगितले.
दरम्यान, लोकप्रिय व्हॉट्सअॅप आणि आयमेसेज स्पर्धक टेलिग्राम यूजर्सना कोणत्याही मर्यादेशिवाय संदेश संपादित करणे आणि हटवण्याची सुविधा देते.
Web Title :- WhatsApp | whatsapp latest update let users delete messages a little over 2 days after it was sent
Join our WhatsApp Group, Telegram, facebook page and Twitter for every update
Bihar Political Crisis | बिहारचे मुख्यमंत्री नितीश कुमार यांचा राजीनामा, सोडली भाजपची साथ