‘सुशांत’च्या निधनानंतर सांत्वनापूर्वक कॉल येत असल्यानं अस्वस्थ झाला व्यक्ती !
नवी दिल्ली, वृत्तसंस्था : अभिनेता सुशांत सिंह राजपूत यांच्या निधनानंतर मोबाईलवर मोठ्या संख्येने कॉल आल्याने इंदूरमधील एका 20 वर्षीय तरूणाने पोलिसांकडे संपर्क साधला आहे. सुशांतच्या आत्महत्येनंतर या युवकाला रोज अनेक कॉल येत आहेत. हा चुकीचा नंबर असल्याचे काही लोकांना समजल्यानंतर कॉल डिस्कनेक्ट झाला. अनेकांनी याला अंकिता लोखंडेचा नंबर समजून सुशांत प्रकरणावर आपली व्यथा मांडली. अंकिता लोखंडे इंदूर येथील रहिवासी आहे. तिचं सुशांत सिंह राजपूतशी बर्‍याच वर्षांपासून नातं होतं, म्हणूनच या तरुणाला सतत फोन येत असतात.
वास्तविक, इंदूर येथे राहणाऱ्या एका तरुणाने इंदूर सायबर सेलमध्ये तक्रार दिली आहे. अंकिता लोखंडे यांच्या नावाने फेसबुकवर एक पेज तयार करण्यात आले आहे. अंकिता ही एक टीव्ही अभिनेत्री आहे. पेजवर अंकिताचा फोटोही आहे. या पेजवर इंदूरमधील तरुणाचा मोबाइल नंबर अधिकृतपणे टाकण्यात आला आहे. अभिनेता सुशांत सिंह राजपूत यांच्या आत्महत्येनंतर त्या तरूणाला मोठ्या प्रमाणात कॉल येत आहेत, ज्याने या तरूणाला त्रास होत आहे. या कारणास्तव त्याने इंदूर सायबर सेलकडे तक्रार दाखल केली आहे.
एसपी सायबर सेल जितेंद्र सिंह म्हणाले की, तरुणाच्या तक्रारीवरून या प्रकरणाचा तपास केला जात आहे, त्यामध्ये जे पेज आहे ते अधिकृत आहे की नाही हे पाहिले जात आहे. अंकिता लोखंडे हिचे ते बनावट पेज तयार केले गेले असेल आणि एखाद्याने मुद्दाम तरुणाचा मोबाईल नंबर त्यात टाकला असेल याबाबतही चौकशी केली जात आहे. फेसबुककडून देखील माहिती घेतली जात आहे. यानंतर दोषींवर लवकरात लवकर कारवाई केली जाईल.