‘गंभीर’नं केली ‘आफ्रिदी’ची बोलती बंद, म्हणाला – ‘ज्याला स्वतःचं वय आठवत नाही, त्याला माझे रेकॉर्ड्स काय आठवतील’
नवी दिल्ली : वृत्तसंस्था – माजी भारतीय क्रिकेट संघाचा सलामीवीर गौतम गंभीर आणि पाकिस्तानचा माजी कर्णधार शहीद आफ्रिदी यांच्यातील संबंधांविषयी संपूर्ण जगाला माहिती आहे. क्रिकेटच्या मैदानावर झालेल्या वादापासून या दोघांमधील शब्दांची लढाई ही सुरूच असते. शनिवारी गंभीरने आफ्रिदीला असे उत्तर दिले ज्याने आफ्रिदीची बोलतीच बंद झाली. एक दिवस आधी, गंभीरचे हरलेला फलंदाज म्हणून आफ्रिदीने वर्णन केले होते, त्यावर उत्तर म्हणून गंभीरने ट्विट केले आहे.
शुक्रवारी पाकिस्तानचा माजी कर्णधार आफ्रिदीने ऑटोबायोग्राफी मध्ये सांगितले की, ‘गौतम गंभीर आणि त्यांचा अ‍ॅटिट्यूट प्रॉब्लेम. ते एक असे खेळाडू आहेत ज्यांचे कोणतेही व्यक्तिमत्त्व नाही, ते असे खेळाडू आहेत ज्यांचे क्रिकेटविषयी कोणतेही चारित्र्य नाही. त्यांच्याकडे कोणतेही मोठे रेकॉर्ड नाही केवळ मोठ्या प्रमाणात अ‍ॅटिट्यूट आहे. ते असे वागतात जसे की ते डॉन ब्रॅडमन आणि जेम्स बॉन्ड सारखे आहेत.’
Someone who doesn’t remember his age how will he remember my records!OK @SAfridiOfficial let me remind u one: 2007 T20 WC final, Ind Vs Pak Gambhir 75 off 54 balls Vs Afridi 0 off 1 ball. Most imp: We won the Cup. And yes, I’ve attitude towards liars, traitors & opportunists.
— Gautam Gambhir (@GautamGambhir) April 18, 2020
याचे उत्तर देताना शनिवारी गंभीरने ट्वीट केले की, ‘ज्याला आपले वय आठवत नाही तो काय माझ्या नोंदी लक्षात ठेवू शकतो. ठीक आहे शाहिद आफ्रिदी मी तुम्हाला एका रेकॉर्डची आठवण करून देतो. 2007 टी -20 वर्ल्ड कप फायनल, भारत विरुद्ध पाकिस्तान गंभीरने 54 चेंडूत 75 धावा केल्या. सर्वात महत्त्वाचे म्हणजे आम्ही तो कप जिंकला आणि हो, माझ्यात खोटे, दहशतवादी आणि संधी साधूंबाबत तीव्र अ‍ॅटिट्यूट आहे.’
भारतीय जनता पक्षाचे खासदार गंभीर यांनी कोरोना विषाणूची लागण झालेल्यांना मदत करण्यासाठी आपला दोन वर्षांचा पगार देण्याचा निर्णय घेतला आहे. यापूर्वी या प्राणघातक साथीला सामोरे जाण्यासाठी दिल्ली सरकारला देखील आपल्या खासदार निधीतून 1 कोटींची देणगी दिली आहे.