65 लाख पेन्शनधारकांसाठी खुशखबर ! Pension वाटपासाठी सरकारनं बँकेसाठी जाहीर केले नवे नियम, जाणून घ्या
pensionनवी दिल्ली : वृत्तसंस्था – पेन्शन जाहीर करण्यासाठी आणि वेळोवेळी पेन्शनधारकांकडून प्रमाणपत्र मिळवण्यासाठी बँका वेगवेगळ्या पद्धतींचे अनुसरण करीत आहेत. हे लक्षात घेता कार्मिक मंत्रालयाने पेन्शन वितरित बँकांच्या अध्यक्ष व व्यवस्थापकीय संचालकांना (सीएमडी) युनिफाईड मार्गदर्शक सूचना दिल्या आहेत. याचे उद्दीष्ट सेंट्रल पेन्शन प्रोसेसिंग सेंटर (सीपीपीसी) / बँकांच्या शाखांना अद्ययावत केलेल्या नियम व मार्गदर्शक सूचनांविषयी जागरूक करणे आहे. कार्मिक मंत्रालयाने याबाबत माहिती दिली. कर्मचारी मंत्रालयांतर्गत कार्यरत पेन्शन व पेन्शनर्स वेलफेअर विभागाकडून प्राप्त झालेल्या तक्रारींच्या विश्लेषणाच्या आधारे हे पाऊल उचलण्यात आले आहे.
विभागाने शुक्रवारी जारी केलेल्या आदेशात म्हटले आहे की, “अद्ययावत व युनिफाइड मार्गदर्शक तत्वानुसार निवृत्तिवेतकांच्या विनंतीला बँक किंवा इतर पद्धतीने प्रोसेस करण्याची प्रक्रिया सुधारेल. दरम्यान, पेन्शन वितरणासंदर्भात निवृत्ती वेतन व पेन्शनर्स कल्याण विभागामार्फत वेळोवेळी जारी करण्यात येणारी आवश्यक मार्गदर्शक तत्त्वे एकत्रित करण्यात आली असल्याचे कार्मिक मंत्रालयाने म्हटले आहे. युनिफाइड दिशानिर्देश जारी करताना, विभागाने म्हटले आहे की, पेन्शन देणारी बँका सध्या पेन्शन देण्याबाबत किंवा पेंशनधारकाकडून किंवा त्यांच्या कुटूंबाकडून वेळोवेळी प्रमाणपत्र मिळविण्यासाठी वेगवेगळ्या पद्धतींचा अवलंब करीत आहेत.
केंद्र सरकारच्या निवृत्तीवेतनधारकांची संख्या 65.26 लाख
सर्व बँकांना नवीन युनिफाइड मार्गदर्शक तत्त्वांचे अनुसरण करण्यास सांगितले आहे. तसेच या मार्गदर्शक सूचनांच्या व्यापक प्रसारासाठी ते बँकांच्या वेबसाइटवर अपलोड करून बँकांच्या शाखांमध्ये सूचना फलकांवर लावण्याचे निर्देश देण्यात आले आहेत. ताज्या मार्गदर्शक सूचनांमध्ये असे म्हटले आहे की, पेन्शन वितरित करणारी बँक आधारवर आधारित डिजिटल जीवन प्रमाणपत्र ‘जीवन प्रमान’ स्वीकारतील. त्याच वेळी, या नियमांनुसार, 80 वर्षे किंवा त्यापेक्षा जास्त वयाच्या पेंशनधारक दरवर्षी ऑक्टोबर महिन्यात जीवन प्रमाणपत्र सादर करू शकतात. हे लक्षात घेण्याजोगे आहे की प्रत्येक निवृत्तीवेतनधारक किंवा कुटूंबिय निवृत्तीवेतनाला दरवर्षी नोव्हेंबरमध्ये जीवन प्रमाणपत्र द्यावे लागते.