‘इंडेन’च्या ग्राहकांना आता गॅस सिलिंडर बुक करण्यासाठी नवीन नंबरवर करावा लागेल कॉल, SMS द्वारेही करता येणार बुकिंग

नवी दिल्ली : वृत्तसंस्था – देशातील आघाडीची तेल विपणन कंपनी इंडियन ऑइलने आपल्या एलपीजी ग्राहकांसाठी एक नवीन नंबर जाहीर केला आहे. हा नंबर देशभरातील इंडेनच्या ग्राहकांकडून आयव्हीआर किंवा एसएमएसद्वारे गॅस बुक करण्यासाठी वापरला जाईल. कंपनीशी संबंधित सूत्रांनी सांगितले की, यापूर्वी गॅस बुकिंगसाठी वेगवेगळ्या सर्किलसाठी वेगवेगळे क्रमांक होते. आता कंपनीने सर्व सर्किलसाठी एकच क्रमांक जारी केला आहे. म्हणजेच आता इंडेन गॅसच्या देशातील ग्राहकांना एलपीजी सिलिंडर बुक करण्यासाठी 7718955555 वर कॉल किंवा एसएमएस करावा लागेल.

माहितीनुसार कंपनीचे ग्राहक या नंबरद्वारे कधीही आणि कोणत्याही वेळी त्यांचे गॅस सिलिंडर बुक करू शकतील. जर आपल्याला कॉल करून गॅस सिलिंडर बुक करायचा असेल तर आपण आपल्या नोंदणीकृत मोबाइल क्रमांकावर दिलेल्या नंबरवर कॉल करून रिफीलसाठी योग्य पर्याय निवडावा लागेल. त्याच वेळी, जर तुम्हाला एसएमएसद्वारे गॅस सिलिंडर बुक करायचा असेल तर तुम्हाला तुमच्या नोंदणीकृत मोबाइल नंबरवरून नमूद केलेल्या फॉरमॅटमध्ये एक संदेश पाठवावा लागेल.

व्हॉट्सअ‍ॅपवरुनही करता येईल रीफिल बुकिंग
आजच्या काळात इन्स्टंट मेसेजिंग ॲप व्हॉट्सॲप भारतीयांमध्ये खूप लोकप्रिय आहे. संदेश, फोटो, व्हिडिओ, ऑडिओ आणि कागदपत्रे पाठविण्यासाठी लोक या माध्यमाचा मोठ्या प्रमाणात वापर करतात. हे वापरण्यासाठी कोणतीही अतिरिक्त रक्कम देण्याची गरज नाही. अशा परिस्थितीत तुमची इच्छा असल्यास तुम्ही व्हॉट्सअ‍ॅपवरुनही गॅस सिलिंडर बुक करू शकता. यासाठी व्हॉट्सअ‍ॅपवर REFILL टाइप करून आपल्या नोंदणीकृत मोबाइल क्रमांकावरून तुम्हाला 7588888824 नंबर पाठवावा लागेल. इंडेननी जाहीर केलेल्या या देशव्यापी क्रमांकामुळे कंपनीच्या ग्राहकांना मोठा दिलासा मिळणार आहे.

You might also like