गेल्याच आठवड्यात अमित शाहांना स्वाईन फ्लूची लागण झाली होती. शाह यांनी स्वत: ट्वीट करुन आपल्याला स्वाईन फ्लू झाल्याची माहिती दिली होती. देवाचे आशिर्वाद आणि आपल्या सर्वांच्या प्रेम आणि शुभेच्छांनी लवकरच बरा होईन, असं त्यांनी आपल्या ट्वीटमध्ये म्हटलं होतं. त्यानंतर दोन-तीन दिवसांत त्यांना ‘एम्स’मधून डिस्चार्जही देण्यात आला होता. परंतु पुन्हा एकदा त्यांची प्रकृती बिघडली आहे.
अमित शाह यांचा नियोजित सांगली, सातारा, कोल्हापूर दौरा रद्द
भाजपाचे राष्ट्रीय अध्यक्ष अमित शाह यांचा नियोजित सांगली, सातारा, कोल्हापूर दौरा रद्द झाला असल्याची माहिती सूत्रांनी दिली होती. समाेर आलेल्या माहितीनुसार, अमित शाह स्वाईन फ्लू झाल्यामुळे आणखी विश्रांती घेणार असल्याचे सांगण्यात आले होते. मुख्य म्हणजे येत्या 24 जानेवारीला पदाधिकारी मेळावा होणार आहे. परंतु अमित शाह हे या मेळाव्याला अनुपस्थित असणार असल्याचेही समजत आहे.