नवी दिल्ली : वृत्तसंस्था : ऑस्ट्रेलियाचा तुफानी सलामीवीर डेव्हिड वॉर्नरने पाकिस्तानविरुद्ध नाबाद ३३५ धावा फटकारल्या. ब्रायन लाराच्या नावे कसोटी क्रिकेटमध्ये सर्वाधिक ४०० वैयक्तिक धावा करण्याचा विक्रम आहे. डेव्हिड वॉर्नरकडे ४०० धावांचा विक्रम मोडीत काढण्याचा चान्स होता मात्र तसे होऊ शकले नाही.
ब्रायन लाराचा हा विश्वविक्रम कोणता फलंदाज मोडू शकतो काय, अशी चर्चा आता विश्व क्रिकेटमध्ये सुरू झाली आहे. दरम्यान, ब्रायन लाराने आपल्या सर्वात मोठ्या जागतिक विक्रमाविषयी एक मोठे विधान केले आहे.
ब्रायन लारा म्हणाले की, भारताकडे अशी दोन फलंदाज आहेत ज्यांच्यात मी केलेला विश्वविक्रम मोडण्याची क्षमता आहे. अधिक माहिती अशी की ब्रायन लाराने २००३ मध्ये अँटिगा येथे कसोटी क्रिकेटमध्ये सर्वात मोठी वैयक्तिक खेळी खेळण्याचा विश्वविक्रम केला. इंग्लंडविरुद्ध लाराने ४०० धावांची ऐतिहासिक खेळी केली. हा विक्रम मोडीत काढण्यासाठी जगभरातील फलंदाज उत्सुक आहेत.
ब्रायन लारा म्हणाले की, भारताचा रोहित शर्मा आणि पृथ्वी शॉ हे दोनच फलंदाज ४०० धावा खेळू शकतात. ब्रायन लारा म्हणाला, ‘रोहित शर्मासारखा क्रिकेटपटू अजूनही कसोटी क्रिकेटपटू आहे की नाही याबद्दल आपणास माहिती नाही. जर त्याने फलंदाजी केली तर तो काहीही करू शकतो. रोहित शर्मा आक्रमकतेने ४०० धावा करू शकतो.
ब्रायन लारा म्हणाले की, पृथ्वी शॉ देखील हे काम करू शकतो. कारण त्याने यापूर्वी कसोटी सामन्यात शतक झळकावले होते. याखेरीज त्याने स्थानिक पातळीवर बरेच लांब डाव खेळले आहेत. तथापि, कसोटी क्रिकेटमध्ये सुमारे ४०० धावांपर्यंत पोहोचणे ही देखील मोठी गोष्ट आहे.
वॉर्नरने एडिलेड मधील दुसर्या कसोटी सामन्यात पाकिस्तानविरूद्ध नाबाद ३३५ धावा फटकारल्या. वॉर्नर लाराच्या विक्रमापासून अवघ्या ६५ धावा दूर असताना कर्णधार टिम पेनने ३ विकेट वर ५८९ धावांच्या मोबदल्यात डाव घोषित करण्याचा निर्णय घेतला. त्यामुळे वॉर्नरला हा विक्रम मोडता आला नाही.
परंतु वॉर्नरचा असा विश्वास आहे की ४०० धावांचा टप्पा ओलांडणे शक्य आहे आणि तो म्हणाला की वेस्ट इंडीजचा महान ब्रायन लाराचा कसोटीतील नाबाद ४०० धावांचा विक्रम मोडण्याची क्षमता रोहित शर्माकडे आहे. वॉर्नर म्हणाला, नजीकच्या काळात रोहित शर्मा ही कामगिरी करू शकतो.
Visit : Policenama.com
- स्मरणशक्ती कमी झाली आहे का ? वाढवण्यासाठी करा ‘हे’ ४ सोपे उपाय !
- त्वचाविकारांत होतेय वाढ, नियंत्रण मिळवण्यासाठी लक्षात ठेवा ‘या’ ८ गोष्टी
- कोथिंबिरीची फुले अनेक आरोग्य समस्यांवर गुणकारी ! ‘हे’ आहेत ५ फायदे
- जीवनात असे घडत असेल तर एक ‘ब्रेक’ जरूर घ्या, जाणून घ्या 7 संकेत
- स्त्रीयांसाठी धुम्रपान अतिशय घातक ! ‘हे’ आहेत 5 धोके
- बुटांच्या दुर्गंधीने त्रस्त आहात का ? जाणून घ्या ४ घरगुती उपाय
- चुकीच्या डाएटचे ‘हे’ आहेत ८ गंभीर परिणाम, वजन कमी करताना घ्या काळजी