Chandrakant Khaire | संजय राऊतांच्या लेखणीचा झाला विजय – चंद्रकांत खैरे
मुंबई : पोलीसनामा ऑनलाइन – शिवसेनेचे (Shivsena) खासदार आणि प्रवक्ते संजय राऊत (Sanjay Raut) यांची न्यायालयीन कोठडीतून जामीनावर सुटका झाली आहे. त्यामुळे शिवसेनेच्या ठाकरे गटात (Thackeray Group) आनंदाचे वातावरण आहे. त्यावर विविध नेत्यांच्या प्रतिक्रिया येत आहेत. शिवसेनेच्या ठाकरे गटाचे नेते चंद्रकांत खैरे (Chandrakant Khaire) यांनी देखील प्रतिक्रिया दिली आहे. संजय राऊतांना जामीन मिळाला, हे ऐकून खूप आनंद झाला. संजय राऊत कुणाच्याही दबावापुढे झुकले नाहीत. हा त्यांच्या लेखणीचा विजय आहे, असे चंद्रकांत खैरे (Chandrakant Khaire) म्हणाले.
संजय राऊतांना अखेर 100 दिवसांनी जामीन मिळाला आहे. ही आमच्यासाठी आणि शिवसैनिकांसाठी आनंदाची गोष्ट आहे. यासाठी मी न्यायपालिकेचे मनापासून आभार मानतो. धन्यवाद देतो. संजय राऊत हे शिवसेनेचे एकनिष्ठ नेते आहेत. त्यांच्यावर विरोधकांनी दबाव आणला. पण ते डगमगले नाहीत. हा त्यांच्या लेखणीचा विजय आहे. मी मरुन जाईन, पण शिवसेना सोडणार नाही. मी बाळासाहेब ठाकरेंचा (Balasaheb Thackeray) कडवट शिवसैनिक (Shiv Sainik) आहे. मी उद्धव ठाकरेंच्या (Uddhav Thackeray) नेतृत्वाखाली काम करणारा नेता आहे. असे संजय राऊत कित्येकदा म्हणाले आहेत. त्याचप्रमाणे राऊत कणखर राहिले आणि आज अखेर सत्याचा विजय झाला आणि ते सुटले आहेत, असे चंद्रकांत खैरे (Chandrakant Khaire) म्हणाले.
तसेच बाकीचे गद्दार आहेत. त्यांनी संजय राऊत यांचे उदाहरण घेतले पाहिजे. ईडी आणि तपास यंत्रणांच्या दबावापुढे हे सगळे उघडे पडले आहेत. पण आज सत्याचा विजय झाला. मी संजय राऊत यांचे मनापासून अभिनंदन करतो, असे देखील यावेळी खैरे म्हणाले.
दरम्यान, उद्धव ठाकरे यांनी देखील संजय राऊत यांना फोन करुन शुभेच्छा दिल्या आहेत.
शिवसैनिकांना आर्थर रोड तुरुंगाबाहेर संजय राऊतांच्या स्वागताला मोठी गर्दी केली आहे.
शिवसेनेच्या ठाकरे गटात सध्या आनंदाचे वातावरण आहे.
आमचा सेनापती आज मुक्त झाला, असे शिवसेनेच्या उपनेत्या सुषमा अंधारे (Sushma Andhare) म्हणाल्या आहेत.
Web Title :- Chandrakant Khaire | shivsena leader chandrakant khaire on sanjay raut granted bail
Join our WhatsApp Group, Telegram, facebook page and Twitter for every update
Radhakrishna Vikhe Patil | ‘भारत जोडो’ यात्रा नसून जत्रा आहे – राधाकृष्ण विखे पाटील
Supriya Sule | संजय राऊत यांच्या सुटकेने न्यायावरील आमचा विश्वास अढळ राहिला – सुप्रिया सुळे (VIDEO)