नवी दिल्ली, वृत्तसंस्था : कोरोना विषाणूपासून बचाव करण्यासाठी अनेक संशोधन केले जात आहे. अमेरिकन संशोधकांनी केलेल्या अभ्यासानुसार असा दावा केला जात आहे की, ज्या देशांमध्ये बीसीजी (बॅसिलस कॅलेमेट-गुएरीन) लस मोठ्या प्रमाणात वापरली गेली आहे, त्या देशांमध्ये मृत्यू इतर देशांच्या तुलनेत सहापट कमी आहे. जॉन्स हॉपकिन्स ब्लूमबर्ग स्कूल ऑफ पब्लिक हेल्थच्या तज्ज्ञांनी हा अभ्यास केला आहे.
बीसीजी लस टीबी (क्षयरोग) विरूद्ध रोग प्रतिकारशक्ती विकसित करते. टीबी हा बॅक्टेरियाच्या संसर्गामुळे होतो. माहितीनुसार, सुरुवातीच्या चाचण्यांमध्ये हे सिद्ध झाले आहे की, ज्या लोकांना बीसीजीवर लस देण्यात आली आहे त्यांच्यात रोगप्रतिकारक शक्ती अधिक मजबूत आहे आणि ते इतरांपेक्षा स्वत: ला संसर्गापासून संरक्षण करण्यास सक्षम आहेत. उदाहरणार्थ, अमेरिकन लोकांवर केलेल्या चाचणीत असे आढळले आहे की बालपणी दिलेली बीसीजी लस 60 वर्षांपर्यंत टीबीपासून संरक्षण प्रदान करते. ही लस इतर संक्रमणापासून किती संरक्षण देते हे सांगणे कठीण आहे, परंतु असे होऊ शकते की अंतर्गत प्रतिकारशक्ती लसमुले जास्त चांगले कार्य करते.
बीसीजीचा वापर भारत आणि आफ्रिकन देशांमध्ये मोठ्या प्रमाणात केला जात आहे. या अभ्यासाच्या निकालांची वैज्ञानिकांनी पुष्टी केल्यास ही भारतासाठी चांगली बातमी ठरणार आहे. बीसीजी लस कोरोनामुळे मृत्यूचे प्रमाण कमी करते, परंतु यामुळे कोरोना संसर्गाचा धोका कमी होतो असे नाही. संशोधकांनी आशा व्यक्त केली आहे की, बीसीजी लसमुळे रोगप्रतिकारक शक्ती चार्ज होईल आणि कोरोना विषाणूचा शरीरावर आक्रमण करण्यापूर्वी त्याची ओळख करून नाश करेल. कोणत्याही देशाची आर्थिक स्थिती, वृद्ध लोकसंख्येचे प्रमाण आणि सर्व अभ्यासांमध्ये मृत्यूचे प्रमाण यासह घटकांचा समावेश असूनही बीसीजी लस आणि कमी मृत्यू दरामधील संबंध नाकारता येत नाही, असे अमेरिकन संशोधकांनी या पत्रकात लिहिले आहे. माहितीनुसार , ब्रिटनमध्ये 1953 ते 2005 या काळात शालेय मुलांना लस देण्यात आली होती. टीबीची प्रकरणे कमी झाल्यावर डॉक्टरांनी मोठ्या प्रमाणात लस देणे बंद केले. 2005 मध्ये, ही लस केवळ अत्यंत गंभीर बाबतीत दिली जाऊ लागली.
देशांच्या बदलत्या आर्थिक परिस्थितीबरोबरच कोरोना विषाणूमुळे होणाऱ्या मृत्यूदरातही फरक आढळला आहे. कमी उत्पन्न असलेल्या देशांमध्ये मृत्यूचे प्रमाण 10 लाख लोकांमध्ये 0.4 टक्के, मध्यम उत्पन्न असलेल्या देशांमध्ये 0.65 टक्के आणि उच्च उत्पन्न असलेल्या देशांमध्ये 5.5 टक्के असल्याचे दिसून आले. म्हणजेच, श्रीमंत देशांमध्ये कोरोना संसर्गामुळे मृत्यूचे प्रमाण जास्त आहे. संशोधकांचे म्हणणे आहे की, कोरोना व्हायरस 65 किंवा त्याहून अधिक वयाच्या लोकांसाठी अधिक धोकादायक आहे. तर गरीब देशांत बहुसंख्य लोकसंस्ख्या तरुणांची आहे
संशोधकांचे म्हणणे आहे की, असे बरेच घटक आहेत ज्यांचा अभ्यास अजून बाकी आहे. दरम्यान, बीसीजी लस आणि आर्थिक स्थितीशी कोरोना विषाणूचे संबंध लक्षात घेतले पाहिजे. जगात अश्या अनेक चाचण्या चालू आहेत ज्यात कोरोना विषाणूंविरूद्ध लढायला बीसीजी लसीची भूमिका तपासली जात आहे. गेल्या महिन्यात ऑस्ट्रेलियामधील 4000 आरोग्यसेवकांवर अशीच चाचणी सुरू झाली होती.