टीम इंडियाचा ‘चीफ सलेक्टर’ बनण्यासाठी ‘या’ 3 दिग्गजांचा अर्ज, जाणून घ्या पुर्ण रेकॉर्ड

नवी दिल्ली :  वृत्तसंस्था : भारतीय संघाचे मुख्य निवडक एम.एस.के. प्रसाद यांच्या अध्यक्षतेखाली निवड समितीचा कार्यकाळ संपल्यानंतर नव्या अध्यक्षांचा शोध सुरु झाला आहे. यासाठी भारताचा माजी लेगस्पिनर लक्ष्मण शिवरामकृष्णन, माजी ऑफस्पिनर राजेश चौहान आणि माजी फलंदाज अमय खुरासिया यांनी टीम इंडियाचा मुख्य निवडकर्ता होण्यात रस दर्शविला असून तिघांनीही या पदासाठी अर्ज केले आहेत. एमएसके प्रसाद यांच्या नेतृत्वात निवड समितीच्या कार्यकाळात भारतीय संघाने आयसीसीचे दोन टूर्नामेंट खेळले. त्यापैकी हा संघ 2017 च्या चॅम्पियन्स ट्रॉफीमध्ये उपविजेते ठरला होता. त्याचवेळी, आयसीसी विश्वचषक 2019 च्या उपांत्य फेरीत न्यूझीलंडविरुद्ध त्यांचा पराभव झाला.

टीम इंडिया का चीफ सेलेक्टर बनने के लिए इन तीन दिग्गजों ने किया आवेदन, जानिए पूरा रिकॉर्ड

लक्ष्मण शिवरामकृष्णन : 9 कसोटी आणि 16 एकदिवसीय सामने, 20 वर्षे कमेंट्री
टीम इंडियाचा माजी लेगस्पिनर लक्ष्मण शिवरामकृष्णनने नऊ कसोटी आणि 16 एकदिवसीय सामने खेळले आहेत. त्याने कसोटी सामन्यात 26 तर एकदिवसीय सामन्यात 15 गडी बाद केले आहेत. सध्या कमेंटेटर म्ह्णून कार्यरत असलेल्या लक्ष्मण शिवरामकृष्णन 1983 ते 1987 दरम्यान टीम इंडियाचा भाग होता. बेन्सन अँड हेजेस वर्ल्ड चॅम्पियनशिपमध्ये भारतीय संघाच्या विजयाचा नायक म्हणून काम करणारे शिवरामकृष्णन 20 वर्षांपासून कमेंट्री करीत आहेत आणि राष्ट्रीय क्रिकेट अकादमीमध्ये फिरकी गोलंदाजी प्रशिक्षकाचीही भूमिका निभावत आहेत.

रवी शास्त्री यांना युजवेंद्र चहल बद्दल सांगितले होते :
शिवरामकृष्णन म्हणाले की, माझ्या कुटुंबीयांशी बोलल्यानंतर मी मुख्य निवडक पदासाठी अर्ज करण्याचा निर्णय घेतला. जर बीसीसीआयने मला ही संधी दिली तर मी बदल घडवून आणीन. जर मला चार वर्षांची मुदत मिळाली तर मी भारतीय क्रिकेट अधिक चांगल्या स्थितीत सोडेल, विशेषत: फिरकी विभागात. शिवरामकृष्णन यांनीही युवा युजवेंद्र चहलला घरगुती क्रिकेटमध्ये गोलंदाजी करताना पाहून भारतीय संघ व्यवस्थापन, विशेषत: प्रशिक्षक रवी शास्त्री यांना सांगितले की तो आंतरराष्ट्रीय क्रिकेटमध्ये उपयुक्त ठरू शकेल.

राजेश चौहान: 21 कसोटी आणि 35 एकदिवसीय सामने
भारतीय संघाचा माजी ऑफस्पिनर राजेश चौहानने संघासाठी 21 कसोटी आणि 35 एकदिवसीय सामने खेळले आहेत. कसोटीत त्याने 47 बळी घेतले तर एकदिवसीय सामन्यात त्याने 29 गडी बाद केले. 90 च्या दशकात चौहान टीम इंडियाचे दिग्गज अनिल कुंबळे आणि व्यंकटपति राजू यांच्यासोबत सामना खेळला. ते म्हणाले, ‘मी गेल्या वेळी या पदासाठीसुद्धा अर्ज केला होता. मी या कामासाठी खूप उत्साही आहे. आशा आहे की माझ्या नावाचा विचार केला जाईल.

अमय खुरसिया : 12 वनडे
मुख्य निवडक पदासाठी अर्ज केलेल्या तीन लोकांपैकी अमय खुरासिया हे सर्वात कमी अनुभवी आहेत. त्यांनी भारताकडून 12 एकदिवसीय सामने खेळले आहेत. यात त्यांनी 11 डावात 13.54 च्या सरासरीने केवळ 149 धावा केल्या आहेत. आतापर्यंत प्रथम श्रेणी क्रिकेटचा प्रश्न आहे तर त्याने 119 सामन्यांत 40.80 च्या सरासरीने 7304 धावा केल्या. यात 21 शतके आणि 31 अर्धशतकांचा समावेश आहे. 112 लिस्ट ए सामन्यांमध्ये खुर्शियाने 38.06 च्या सरासरीने 3737 धावा केल्या आहेत.

दरम्यान, मुख्य निवडक पदासाठी अर्ज करण्याची अंतिम मुदत शुक्रवार 24 जानेवारीपर्यंत आहे. बीसीसीआयच्या सध्याच्या निवड समितीत केवळ दक्षिण विभागातील एमएसके प्रसाद आणि मध्य प्रदेशातील गगन खोडा यांचा कार्यकाळ पूर्ण झाला आहे. तर उत्तर विभागातील शरणदीप सिंग, पश्चिम विभागातील जतिन परांजपे आणि पूर्व विभागातील देवांग गांधी यांचे आणखी एक सत्र बाकी आहे. माजी वेगवान गोलंदाज व कनिष्ठ संघाचे मुख्य निवडक व्यंकटेश प्रसाद आणि टीम इंडियाचे माजी फलंदाजी प्रशिक्षक संजय बांगर हेदेखील मुख्य निवडक पदासाठी अर्ज करू शकतात, असा विश्वास आहे.

दीड कोटी रुपये मिळू शकतात :
मिळालेल्या माहितीनुसार, बीसीसीआय सर्व वयोगटातील निवडकर्त्यांच्या पगाराची समीक्षा करू शकेल. अशा परिस्थितीत ज्येष्ठ राष्ट्रीय निवड पॅनेलच्या अध्यक्षांना दीड कोटी रुपये वेतन मिळू शकते, तर समितीच्या इतर सदस्यांना 1.2 कोटी रुपये मिळतील. कनिष्ठ निवड समितीचा पगार वाढवण्याचाही विचार केला जात आहे.

बीसीसीआय अध्यक्ष सौरव गांगुली तीन वर्षांच्या मुदतीच्या बाजूने :
2015 मध्ये मुख्य निवडक म्हणून निवड झाल्यानंतर एमएसके प्रसाद यांनी पुढील चार वर्षे हे पद सांभाळले. परंतु नवीन निवड समितीचा कार्यकाळ चार ते तीन वर्षांपर्यंत कमी केला जाऊ शकतो. बीसीसीआयचे अध्यक्ष सौरव गांगुलीसुद्धा या बाजूने आहेत. डिसेंबर 2019 मध्ये झालेल्या बीसीसीआयच्या एजीएममध्ये गांगुली म्हणाले होते, ‘वर्ल्ड कप डोळ्यासमोर ठेवून चार वर्षांची मुदत निश्चित करण्यात आली होती, पण आता ही पूर्वीची गोष्ट आहे. सध्याच्या दृष्टीकोनातून तीन वर्षांचा कालावधी पुरेसा आहे.

फेसबुक पेज लाईक करा – 

You might also like