‘हिटमॅन’ रोहितच्या टीमनं 754 धावांनी जिंकली ‘मॅच’, सगळे विरोधी फलंदाज भोपळयावर ‘OUT’

मुंबई : पोलीसनामा ऑनलाइन – क्रिकेटच्या मैदानावर टीम बर्‍याचदा खराब कामगिरी करून मॅच गमावतात, पण मुंबईत सध्या सुरू असलेल्या हॅरिस शिल्ड स्पर्धेत एका संघाने सर्व मर्यादा ओलांडल्या. बुधवारी झालेल्या सामन्यात चिल्ड्रन वेलफेअर स्कूलची टीम अवघ्या 7 धावांवर बाद झाली. आश्चर्यकारक गोष्ट म्हणजे या संघाचा एकही फलंदाज खाते उघडू शकला नाही. संघाचे सर्व फलंदाज शून्यावर बाद झाले.

या सामन्यात चिल्ड्रन वेलफेअर स्कूलची टीम हारली. विवेकानंद इंटरनॅशनल स्कूलच्या विरोधी संघाने 754 धावांच्या मोठ्या फरकाने हा सामना जिंकला. चिल्ड्रन वेलफेयर स्कूलच्या फलंदाजांना हारविण्यासाठी फक्त दोन गोलंदाज पुरेसे होते. विवेकानंद इंटरनॅशनल स्कूलचा वेगवान गोलंदाज आलोक पालने तीन ओवरमध्ये तीन धावा देऊन 6 विकेट घेतले व कप्तान वरोद राजने दोन विकेट घेतले.

विवेकानंद स्कूल संघाने प्रथम फलंदाजी करत 39 ओवरमध्ये 761 धावा केल्या. मीत मायरेने तिहेरी शतक ठोकले. त्याने 134 चेंडूत नाबाद 338 धावा केल्या. या फलंदाजाने 56 चौकार आणि 7 षटकार लगावले. या सामन्यात चिल्ड्रन वेलफेयर स्कूलवर 156 धावांची पेनल्टी ही लावण्यात आली. संघाचे गोलंदाज 3 तासांच्या कालावधीत 45 ओवर गोलंदाजी करू शकले नाहीत.

टीम इंडियाचा उपकप्तान रोहित शर्मा विवेकानंद शाळेत शिकत होता. या शाळेच्या संघाकडून खेळताना त्याने क्रिकेटचे कौशल्य शिकले होते. रोहित शर्मा गरीब कुटुंबातला होता पण एक चांगला क्रिकेटपटू असल्यामुळे या शाळेत त्याला प्रवेश मिळाला. आज रोहित शर्मा त्याच्या खेळातून कौशल्य दाखवत आहे आणि त्याच्या शाळेची क्रिकेट पातळीही वर दिसत आहे. रोहित शर्माला आपल्या शाळेचे हे आश्चर्यकारक वर्णन ऐकल्यास नक्कीच गर्व वाटेल.

Visit : Policenama.com 

• रोग प्रतिकारकशक्ती वाढविण्यासाठी खा पिस्ता, ‘हे’ आहेत ९ खास फायदे
• पूर्ण शाकाहारी ‘डाएट प्लॅन’ने वजन करा कमी, जाणून घ्या महत्वाच्या ६ टिप्स
• केसरचे ‘हे’ उपाय केल्याने होतील ‘हे’ ४ महत्त्वाचे फायदे, जाणून घ्या
• वयाची चिंता नको, पन्नाशितील ‘या’ ५ कलाकारांकडून घ्या प्रेरणा…रहा फिट
• ‘या’ जोडप्याने घटवले तब्बल १८१ किलो वजन, तुम्ही सुद्धा घेऊ शकता आदर्श
• महिलांनो, ‘कार्डिओ’ व्यायामासह बिनधास्त करा ‘वेट ट्रेनिंग’, हे आहेत ४ फायदे
• ट्रेनर ‘सर्टिफाइड’ आहे की नाही, कसे तपासावे? ‘या’ ५ गोष्टी लक्षात ठेवा
• विसरभोळेपणा वाढलाय का? दुर्लक्ष करू नका ‘हा’ आजारही असू शकतो
• नर्व्हस, अस्वस्थ झाल्यासारखे वाटतेय ? मग हे ११ सोपे उपाय करा
• नकारात्मक विचार घालवून ‘रिफ्रेश’ होण्यासाठी ‘हे’ करा, होतील हे ५ फायदे