नवी दिल्ली : वृत्तसंस्था – दिल्ली येथील काश्मीरी गेट मेट्रो स्टेशनवर एका बेवारस बॅगेतून 500 रुपयांच्या लाखोंच्या बनावट नोटा जप्त करण्यात आल्या आहेत. बॅगेतून 4 लाख 64 हजार रुपयांच्या बनावट नोटा जप्त केल्या आहेत. याप्रकरणात अद्याप कोणालाही अटक करण्यात आलेली नसून, केंद्रीय औद्योगिक सुरक्षा दलाने (सीआयएसएफ) पहिल्यांदाच एवढ्या मोठ्या प्रमाणात नकली नोटा जप्त केल्या आहेत. सीआयएसएफने या नोटा शनिवारी सायंकाळी जप्त केल्या.
सीआयएसएफचे महेंद्र सिंह यांनी याबाबत आज (रविवार) माहिती दिली. याप्रकरणात अद्याप कोणालाही अटक करण्यात आलेली नाही. जप्त केलेल्या नोटा या मेट्रो स्टेशनवर सापडल्या असून जप्त केलेल्या नकली नोटांची बॅग मेट्रो रेल्वे पोलिसांकडे सुपूर्द करण्यात आली आहे. बॅगेत सापडलेल्या सर्व 500 च्या नोटा असून त्या बनावट नोटा असल्याचे सिंह यांनी प्रसारमाध्यमांना सांगितले.
महेंद्र सिंह यांनी सांगितले की, बनावट नोटा असलेली बॅग सीआयएसएफचे पोलीस उपनिरीक्षक बिरेंद्र सिंह यांना आढळून आली. ही बॅग काश्मीरी गेट मेट्रो स्टेशनच्या गेट नंबर 8 जवळ बेवारस आढळून आली. त्यांनी या बॅगेच्या मालकाची चौकशी केली. मात्र, या बॅगेबाबत कोणालाच काही माहित नसल्याने त्यांनी याची माहिती आपल्या वरिष्ठांना दिली. पोलीस आणि सीआयएसएफचे अधिकारी बॅग सापडली त्या ठिकाणी गेले. त्यांनी बॅग उघडून पाहिली असता त्यामध्ये 500 रुपयांच्या नोटा आढळून आल्या. तपासादरम्यान या बनावट नोटा असल्याचे समोर आले. पोलीस आणि सीआयएसएफचे अधिकारी मेट्रो स्थानकावर लावण्यात आलेले सीसीटीव्हीचे फुटेज तपासत आहेत.
visit : Policenama.com
- स्त्रियांनी रक्तदान करावे का ? जाणून घ्या रक्तदानाबाबत शास्त्रशुद्ध माहिती –
- ‘नॉर्मल डिलिव्हरी’पेक्षा ‘सिझर’ अधिक सुरक्षित ! काय सांगतात तज्ज्ञ, जाणून घ्या –
- तुमच्या मुलास ‘मायक्रोन्युट्रिअंट डेफिशिअन्सी’ तर नाही ना ! अशी घ्या काळजी –
- ‘फिटनेस’साठी सेवन करा ‘हे’ व्हिटॅमिनयुक्त पदार्थ, धावपळीतही रहाल तंदुरूस्त! –
- पिझ्झा, बर्गर, स्पाघेटीच्या अतिसेवनाने होऊ शकतो ‘अल्झायमर’, जाणून घ्या –
- ‘व्हिटॅमिन ए’च्या कमतरतेमुळे होऊ शकतो टीबी, डोळ्यांच्या समस्याही वाढतात –