कामाची गोष्ट ! EPF मधून फक्त 72 तासात तुम्ही काढू शकता पैसे, जाणून घ्या कसं ते
Pf Accountनवी दिल्लीः वृत्तसंस्था – कोरोना व्हायरस (कोविड -19) दरम्यान बर्‍याच लोकांनी आपल्या नोकर्‍या गमावल्या आहेत. अशा परिस्थितीत ज्यांना पैशाची गरज आहे त्यांना कोणतीही अडचण येऊ नये म्हणून कर्मचारी भविष्य निर्वाह निधी संघटनेने (ईपीएफओ) बरेच निर्णय घेतले आहेत. यामध्ये असा एक निर्णय म्हणजे लवकर क्लेम सेटल करणे. म्हणजेच, ज्यांना ईपीएफओमधून पैसे काढायचे आहेत त्यांना जास्त काळ प्रतीक्षा करण्याची गरज नाही. ईपीएफओने म्हटले आहे की, खातेदारांनी कोरोना व्हायरस साथीच्या नियमांनुसार, 72 तासांत क्लेमच्या ऑटोमेटिक प्रोसेससाठी पैसे काढण्यासाठी अर्ज करावा.
ही रक्कम लवकरच कशी येईल
ईपीएफओने सांगितले की, “कोरोना व्हायरस साथीच्या आजारामुळे ईपीएफकडून पैसे काढण्याचे काम फार वेगवान केले जात आहे.” यापूर्वी ईपीएफओने हे स्पष्ट केले होते की, आपण इतर कोणत्याही क्लेमसाठी अर्ज केला असेल तर त्याच्या सेटलमेंटमध्ये वेळ लागू शकेल.
म्हणजेच, जर एखादा ग्राहक कोरोना व्हायरसच्या नियमांनुसार, क्लेम करीत असेल तर फक्त 72 तासांच्या कालावधीत पैसे त्याच्या खात्यात येऊ शकतात. यामध्ये एक समस्या देखील आहे, ज्या क्लेममध्ये केवायसी केले नाही तेथे मॅन्युअल प्रक्रिया केली जात आहे यासाठी वेळ लागू शकतो.