नवी दिल्ली : वृत्तसंस्था – पावसाळ्याच्या दिवसात डेंग्यू, मलेरिया आणि चिकनगुनिया या आजारांचा धोका मोठ्या प्रमाणात वाढतो. विशेषतः या रोगांचा प्रादुर्भाव उत्तर भारतात अधिक दिसून आला आहे. डासांमुळे होणाऱ्या या आजारामुळे लाखो लोक आपला जीव गमावतात. तथापि, अलिकडच्या वृत्तानुसार, डासांमुळे होणाऱ्या प्राणघातक रोगांचा अंत फार दूर नाही. म्हणजे लवकरच अशी वेळ येईल जेव्हा कोणालाही डेंग्यू, मलेरियासारखे आजार होणार नाहीत. पण हे खरोखर शक्य आहे का? याबद्दल जाणून घेऊया…
स्वत:च रफूचक्कर होतील प्राणघातक डास
सध्या भारतात आणि विशेषत: दिल्ली आणि आसपासच्या भागात जोरदार पाऊस सुरू आहे. पावसाळ्यामुळे उष्णता कमी होते पण पाऊस सोबत डेंग्यू आणि मलेरियासारख्या धोकादायक आजारांना घेऊन येतो. डेंग्यूच्या डासांची उत्पत्ती ही पावसाळ्यातच होत असते.
या हंगामात, विशेषत: डॉक्टरांपासून ते महानगरपालिकांपर्यंत सर्व प्रत्येकाला डासांपासून दूर राहण्यासाठी आणि त्यांच्यामुळे होणारे आजार कसे टाळावेत यासाठी सल्ला देतात. या हंगामात एक बातमी खूप लवकर व्हायरल होऊ लागली, ती म्हणजे आता देशातून डेंग्यूचे डास नाहीसे होतील. ही बातमी ऐकून लोकांना दिलासा मिळालाच असेल कारण या डासांमुळे होणाऱ्या आजारांसाठी कोणतेही विशेष औषध किंवा लस नाही. उपचारादरम्यान जर खिसा रिकामा झाला तर आयुष्य देखील धोक्यात येते.
दरवर्षी जगभरात सुमारे 10,000 लोक डेंग्यूमुळे मरण पावतात. त्यापैकी 70 टक्के लोक ब्राझील आणि भारत सारख्या देशातील आहेत. जगप्रसिद्ध वैज्ञानिक जर्नल नेचर मायक्रोबायोलॉजीला आपल्या संशोधनात असे आढळले आहे की 2015 च्या तुलनेत 2080 मध्ये जगभरात जवळपास 200 कोटी लोकांमध्ये डेंग्यूचा धोका असला तरी भारताची परिस्थिती वेगळी असेल.
अशाप्रकारे होईल डासांचा नाश
येत्या 60 वर्षांत हे शक्य होईल की डेंग्यूचे डास ग्लोबल वार्मिंगमुळे भारताची उष्णता सहन करू शकणार नाहीत आणि ते संपुष्टात येतील. वास्तविक, डेंग्यू विषाणूचा प्रसार करणारे एडीस डास भारताच्या उष्णतेचा सामना करण्यास सक्षम नसणार. भारतातील हवामान इतके खराब होईल की या डासांची उत्पत्ती थांबेल.