Heart Failure | ‘या’ कारणांमुळे होते हार्ट फेल ! वाचण्यासाठी डॉक्टरांनी सांगितली सोपी पद्धत
file photoपोलीसनामा ऑनलाइन टीम – जगभरात हार्ट फेल्युअरची (Heart Failure) प्रकरणे पाहायला मिळत आहेत. सध्या 65 वर्षांपेक्षा जास्त वयाच्या लोकांना (स्त्री आणि पुरुष) रुग्णालयात दाखल करण्याचे सर्वात सामान्य कारण हार्ट फेल (Heart Failure) आहे असे मानले जाते. तज्ज्ञांच्या मते, काही काळापासून 40 वर्षांवरील लोकांमध्ये ‘हार्ट फेल्युअर’चा धोका (Heart Failure Risk) दिसून येत आहे.
जोखीम वाढल्याने वारंवार हॉस्पिटलायझेशनची (Hospitalization) शक्यता वाढते आणि काही प्रकरणांमध्ये मृत्यू देखील होतो. म्हणूनच, हार्ट फेलचा धोका वाढवणारे घटक आणि कारणे लवकरात लवकर ओळखणे आवश्यक आहे, जेणेकरून हार्ट फेलचा (Heart Failure) धोका कमी करता येईल.
हार्ट फेलचे कारण (Cause of Heart Failure)
वृत्तसंस्थेनुसार, डॉ. आरके जसवाल (Dr. RK Jaswal), इंटरव्हेंशनल कार्डिओलॉजिस्ट (Interventional Cardiologists) (फोर्टिस हॉस्पिटल, मोहाली) म्हणाले, हृदय (Heart) हा शरीराचा सर्वात महत्त्वाचा अवयव आहे. शरीराच्या सर्व भागांमध्ये रक्त पोहोचवण्यासाठी ते सतत धडधडत असते. जेव्हा हृदय शरीराच्या गरजेनुसार रक्त पंप करू शकत नाही तेव्हा हार्ट फेल होते. हा एक हळूहळू वाढणारा रोग आहे, जो विविध कारणांमुळे कालांतराने विकसित होतो.
अशा स्थितीत, जीवनशैलीकडे लक्ष देणे खूप महत्वाचे आहे. उर्वरित जगाच्या तुलनेत, भारतामध्ये आनुवंशिक कारणांमुळे (Genetic Cause) आणि अनहेल्दी लाईफस्टाईलमुळे (Unhealthy Lifestyle) तरुणांमध्ये हृदयविकाराच्या वाढीमध्ये लक्षणीय वाढ होत आहे.
डॉ. करुण बहल (Dr. Karun Behal), इंटरव्हेंशनल कार्डिओलॉजिस्ट (फोर्टिस हॉस्पिटल, मोहाली) म्हणाले, कोरोनरी धमनीचा (Coronary Artery) आजार हार्ट फेलचे प्रमुख कारण आहे. कोरोनरी आर्टरी डिसीज (Coronary Artery Disease) म्हणजे हृदयाच्या स्नायूमध्ये (Heart Muscle) रक्त वाहून नेणार्‍या धमन्यांमधील अडथळे. हळुहळू कमी होणे किंवा रक्तपुरवठा (Blood Supply) खंडित होणे आणि हृदयाचे स्नायू कमकुवत होणे यामुळे हार्ट फेल होऊ शकते.
उच्च रक्तदाब (High Blood Pressure), लठ्ठपणा (Obesity), मधुमेह (Diabetes), धूम्रपान (Smoking), जंक फूड खाणे (Eating Junk Food) आणि बैठी जीवनशैली (Sedentary Lifestyle) अशा लोकांमध्ये हार्ट फेलची समस्या (Heart Failure Problem) अधिक दिसून येत आहे. लोकांमध्ये सामाजिक-मानसिक ताणतणावातही लक्षणीय वाढ झाली आहे, ज्यामुळे कोरोनरी धमनी रोग वाढतो आणि त्यानंतर हार्ट फेल हेाते. अशा स्थितीत, हार्ट फेलला कारणीभूत घटकांकडे लक्ष देणे खूप महत्वाचे आहे.
दुसरीकडे, डॉ रजत शर्मा (Dr. Rajat Sharma), कार्डियाक इलेक्ट्रोफिजियोलॉजिस्ट (फोर्टिस हॉस्पिटल, मोहाली) यांनी एजन्सीला सांगितले की, भारत हा अशा देशांपैकी एक आहे जिथे हार्ट फेलचे प्रमाण खूप जास्त आहे. भारत (India) हा दुसर्‍या क्रमांकाचा सर्वाधिक लोकसंख्या असलेला देश आहे.
देशातील लोकसंख्येचा मोठा भाग आधीच उच्च रक्तदाब आणि मधुमेह यांसारख्या आजारांनी ग्रस्त आहे.
याशिवाय, अनेक भारतीयांना आनुवांशिकदृष्ट्या कोरोनरी धमनीचा आजर रोग होण्याची शक्यता आहे. ज्यामुळे हार्ट फेल्युअर होण्याची शक्यता वाढते.
आजच्या काळात हृदयविकाराचा धोका कमी करण्यासाठी तरुणांचे समुपदेशन करून त्यांना चांगली जीवनशैली अंगीकारण्यासाठी माहिती देणे महत्त्वाचे आहे.
कारण वाईट जीवनशैलीमुळे हृदयविकारामुळे मृत्यू होऊ शकतो. त्यामुळे हृदयविकाराचा धोका कमी करण्यासाठी चांगली जीवनशैली अत्यंत महत्त्वाची आहे.
हार्ट फेल टाळण्यासाठी काय करावे (What to do to Prevent Heart Failure)
वृत्तसंस्थेनुसार, डॉक्टर सांगतात की, 30 वर्षांहून अधिक वयाच्या लोकांनी हार्ट फेल किंवा हार्ट फेल्युअर विकसित
होण्यापासून रोखण्यासाठी आरोग्य तपासणी केली पाहिजे. या प्रकारची तपासणी आणि स्क्रीनींगने हार्ट फेलसाठी जोखीम असलेले
कारक ओळखण्यात आणि ते ठिक करण्यात खूप मदत होऊ शकते.
भारतीय लोकांना अनेकदा त्यांची जीवनशैली (Lifestyle) सुधारणे आवडत नाही, ज्यामुळे त्यांना हृदयविकाराचा धोका वाढू शकतो.
हार्ट फेल टाळण्यासाठी, आहाराचे काटेकोरपणे पालन करणे आवश्यक आहे.
साखर (Suger) आणि मिठाईतील कार्बोहायड्रेट्स (Carbohydrates) हे सर्वात मोठे शत्रू असून त्यांचे सेवन ताबडतोब बंद केले पाहिजे.
भारतीय दररोज वापरत असलेले मिठाचे (Salt) प्रमाण सामान्यपेक्षा 3 पट आहे, म्हणजे सुमारे 15 ग्रॅम. तर मिठाचे प्रमाण 5 ग्रॅम असावे.
धूम्रपान (Smoking) आणि अल्कोहोलचे (Alcohol) सेवन देखील त्वरित बंद केले पाहिजे.
डॉक्टरांच्या मते, नियमित तपासणी, निरोगी जीवनशैली, वेळेवर औषधे घेतल्याने हार्ट फेल्युअर टाळता येऊ शकते.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही. त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Heart Failure Reason, Heart Failure Symptoms, Heart Failure Treatment
Web Title :- Heart Failure | heart failure reason symptoms treatment health check up above 30 years of age youngsters
#Health Tips #Health #lifestyle
Join our WhatsApp Group, Telegram, facebook page and Twitter for every update