‘या’ बँकेनं बचत खात्यांवरील व्याजदरात 0.25 टक्क्यांनी केली ‘कपात’, जाणून घ्या…

नवी दिल्ली, वृत्तसंस्था : स्टेट बँक ऑफ इंडिया नंतर खासगी क्षेत्रातील आयसीआयसीआय बँकेने बचत खात्यांवरील व्याज दर 0.25 टक्क्यांनी कमी केला आहे, मंगळवारी बँकेने यासंदर्भात माहिती दिली. आयसीआयसीआय बँकेने नियामकीय सूचनांमध्ये माहिती देताना सांगितले की नवीन दर गुरुवारपासून लागू होणार आहेत. या खाजगी क्षेत्रातील बँकेने 50 लाख रुपयांच्या खाली असलेल्या सर्व ठेवीवरील व्याजदर हा सध्याच्या 3.25 टक्क्यांवरून तीन टक्क्यांपर्यंत कमी केला आहे. त्याचबरोबर 50 लाख किंवा त्याहून अधिक ठेवीवरील व्याजदर 3.75 टक्क्यांवरून 3.50 टक्के करण्यात आला आहे.

जागतिक महामारी कोरोना विषाणूमुळे देशात लागू केलेल्या लॉकडाऊनमुळे कर्जाची मागणी कमी झाली आहे. अशा परिस्थितीत यावेळी बँकांमध्ये रोख रक्कम उपलब्ध आहे. यामुळे बँकेत मालमत्ता-देयतेचे असंतुलन देखील वाढले आहे आणि ग्राहकांच्या ठेवींवर व्याज देण्यावर बँकेवरील दबाव वाढला आहे. यामुळेच बँकेने व्याज दरात कपात केली आहे.

यापूर्वी मे महिन्यात देशातील सर्वात मोठी बँक, स्टेट बँक ऑफ इंडियाने नवीन किरकोळ मुदत ठेवी आणि परिपक्व ठेवींच्या नूतनीकरणाच्या व्याजदरात 0.40 टक्क्यांची कपात केली होती. स्टेट बँकेचे अध्यक्ष रजनीश कुमार यांनी आधीच सांगितले आहे की सध्याच्या परिस्थितीत व्याज दर खाली येतील. व्याज दरात कपात करणे बँक कर्जदार आणि बँकर्स या दोघांनाही असेल असेही त्यांनी सांगितले.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like