ताज्या बातम्यामुंबईराजकीय

Maharashtra MLC Election-2022 | भाजप खासदाराच्या ट्विटमुळे राजकारणात खळबळ; म्हणाले – ‘मिशीवाल्या मावळ्याचा बळी जाणार’

Maharashtra Political Crisis bjp mp unmesh patil slams shiv sena aditya thackeray over not give permission to work file photo

मुंबई : पोलीसनामा ऑनलाइन – Maharashtra MLC Election-2022 | विधानपरिषदेच्या 10 जागांसाठी आज मतदान (Maharashtra MLC Election-2022) होत आहे. भाजप (BJP), राष्ट्रवादी काँग्रेस (NCP), काँग्रेस (Congress) आणि शिवसेनेचे (Shivsena) सर्वच आमदार विधानभवनात पोहोचले आहेत. अनेक आमदारांनी मतदान देखील केले आहे. या निवडणुकीच्या पार्श्वभूमीवर महाविकास आघाडी आणि भाजप यांच्यात राजकीय शीतयुद्ध रंगलं आहे. अशातच भाजपचे राज्यसभेचे खासदार अनिल बोंडे (MP Anil Bonde) यांनी सूचक ट्वीट करत मुख्यमंत्री उद्धव ठाकरे (CM Uddhav Thackeray) यांना लक्ष्य केलं आहे. त्यांच्या ट्विटमुळे राजकीय वर्तुळात चर्चा रंगल्या आहेत.

 

अनिल बोंडे यांनी ट्वीट करत महाविकास आघाडीचा एक उमेदवार पराभूत होणार असल्याचा दावा केला आहे. तसेच, मिशीवाल्या मावळ्याचा बळी जाणार असल्याचं म्हटलं आहे. ‘काळ आला होता भाऊ किंव्हा भाईवर, पण मुख्यमंत्रिपद वाचवण्यासाठी बळी जाणार मिशीवाल्या मावळ्याचा,’ असं ट्वीट अनिल बोंडे यांनी केलं आहे. (Maharashtra MLC Election-2022)

—

भाजप आणि महाविकास आघाडीमध्ये दहाव्या जागेसाठी अटीतटीची लढत होताना दिसत आहे. त्यामुळे बाजी कोण मारणार हे पाहावे लागणार आहे. दरम्यान, विधानपरिषद निवडणुकीत काँग्रेसचा दुसरा उमेदवार असलेल्या भाई जगताप (Bhai Jagtap) यांची जागा धोक्यात असल्याची चर्चा होती. कारण काँग्रेसकडे स्वत:ची 42 मते असून दुसऱ्या उमेदवारासाठी त्यांना अतिरिक्त 10 मतांची जुळवाजुळव करण्याची गरज आहे. दुसरीकडे भाजपने राष्ट्रवादीचे उमेदवार एकनाथ खडसे (Eknath Khadse) यांच्या पराभवासाठी रणनीती आखल्याची चर्चा आहे.

 

दरम्यान, काँग्रेसचा उमेदवार निवडून आणण्यासाठी शिवसेना आपल्या वाट्याची काही मते देणार असल्याची माहिती समोर येत आहे.
दरम्यान, या पार्श्वभूमीवर शिवसेना उमेदवार आमशा पाडवी (Amsha Padvi) यांनाच धोका निर्माण होणार असल्याचं अनिल बोंडे यांनी आपल्या ट्वीटमधून सुचवलं आहे.

 

Web Title :- Maharashtra MLC Election-2022 | bjp rajyabha mp anil bonde tweet on shivsena candidate in mlc election 2022

 

Join our WhatsApp Group, Telegram, facebook page and Twitter for every update

 

हे देखील वाचा