Mumbai High Court | एखाद्याचं चुंबन (KISS) घेणे किंवा प्रेम करणे अनैसर्गिक लैंगिक गुन्हा नाही – मुंबई हायकोर्ट

मुंबई : पोलीसनामा ऑनलाइन – मुंबई उच्च न्यायालयाने (Mumbai High Court) एका याचिकेवर निकाल देताना म्हटले आहे की, एखाद्याचे चुंबन घेणे आणि प्रेम करणे हा अनैसर्गिक लैंगिक गुन्हा नाही. हा निकाल देताना न्यायालयाने एका प्रकरणात अल्पवयीन मुलावर लैंगिक अत्याचार करणार्‍या आरोपीला जामीन मंजूर केला. (Mumbai High Court) एका आदेशात, न्यायमूर्ती अनुजा प्रभुदेसाई यांनी 14 वर्षीय मुलाच्या वडिलांनी केलेल्या पोलिस तक्रारीनंतर गेल्या वर्षी अटक करण्यात आलेल्या एका व्यक्तीला जामीन मंजूर केला. एफआयआरनुसार, मुलाच्या वडिलांना त्यांच्या कपाटातून काही पैसे गायब असल्याचे आढळले. पीडित मुलाने आरोपीला पैसे दिल्याचे सांगितले. (Mumbai High Court)

अल्पवयीन म्हणाला, तो मुंबईच्या एका उपनगरात आरोपीच्या दुकानात तो खेळत असलेला ऑनलाइन गेम रिचार्ज करायला जायचा. मुलाने आरोप केला आहे की, एके दिवशी तो रिचार्ज करण्यासाठी गेला तेव्हा आरोपीने त्याच्या ओठांचे चुंबन घेतले आणि त्याच्या प्रायव्हेट पार्टला स्पर्श केला.

त्यानंतर मुलाच्या वडिलांनी पोलिसांशी संपर्क साधला, त्यांनी आरोपींविरुद्ध प्रिव्हेंशन ऑफ चिल्ड्रन फ्रॉम सेक्शुअल ऑफेन्सेस (पॉस्को) कायदा आणि भारतीय दंड संहिता (आयपीसी) च्या कलम 377 अंतर्गत एफआयआर दाखल केला. (Bombay High Court)

आरोपीला मिळाला जामीन
न्यायमूर्ती प्रभुदेसाई यांनी आरोपीला जामीन मंजूर करताना असे निरीक्षण नोंदवले की, मुलाची वैद्यकीय तपासणी त्याच्या लैंगिक अत्याचाराच्या विधानाला दुजोरा देत नाही. आरोपीविरुद्ध लावण्यात आलेल्या पॉस्कोच्या कलमांमध्ये कमाल पाच वर्षांची शिक्षा आहे आणि त्याला जामीन मिळण्याचा अधिकार आहे.

न्यायमूर्ती प्रभुदेसाई यांनी असे निरीक्षण नोंदवले की, या प्रकरणात अनैसर्गिक लैंगिक गुन्ह्याचा घटक प्रथमदर्शनी लागू होत नाही.
पीडितचे निवेदन तसेच प्रथम माहिती अहवाल (एफआयआर) प्रथमदर्शनी सूचित करतात
की, अर्जदाराने पीडित मुलाच्या प्रायव्हेट पार्टला स्पर्श केला होता आणि त्याच्या ओठांचे चुंबन घेतले होते.
न्यायमूर्ती म्हणाले की, माझ्या मते कलम 377 अंतर्गत हा प्रथमदर्शनी गुन्हा ठरणार नाही.

उच्च न्यायालयाने सांगितले की, आरोपी आधीच एक वर्षापासून कोठडीत आहे आणि या प्रकरणाची सुनावणी लवकर सुरू होण्याची शक्यता नाही.
उच्च न्यायालयाने आरोपीला 30,000 रुपयांच्या वैयक्तिक जातमुचलक्यावर जामीन मंजूर करताना सांगितले
की, वरील वस्तुस्थिती आणि परिस्थिती पाहता अर्जदार जामीन घेण्यास पात्र आहे.

Web Title :- Mumbai High Court | kissing and fondling not unnatural offences says bombay high court grants bail to accused

Join our WhatsApp Group, Telegram, facebook page and Twitter for every update

हे देखील वाचा

Ajit Pawar | ‘कपडे काढायला लावा मला’, मास्क काढण्यास सांगणाऱ्याला अजित पवारांचा टोला

Mumbai High Court | वैद्यकीय तपासणीत ‘ती’ चा झाला ‘तो’, पोलीस खात्यात नोकरी देण्याचे कोर्टाचे आदेश

Anemia Problem | अ‍ॅनिमियाची समस्या असेल तेव्हा काय खावे आणि काय करावे, जाणून घ्या