लोकसभेच्या नगर मतदारसंघाचा वाद काही संपायला तयार नाही. डॉ. सुजय विखे यांनी भारतीय जनता पक्षात प्रवेश करणार असल्याचे वृत्त माध्यमातून येऊ लागल्यानंतर राष्ट्रवादी नगरची जागा काँग्रेससाठी सोडेल, अशी अपेक्षा होती. मात्र पवार यांनी ही अपेक्षा फोल ठरविली आहे. आज दुपारी पुण्यातील पत्रकार परिषदेत शरद पवार यांनी नगरच्या जागेवर राष्ट्रवादी काँग्रेस पक्षाचाच हक्क असल्याचे स्पष्ट केले आहे. त्यामुळे राष्ट्रवादी काँग्रेस पक्षाकडून नगरची जागा लढविली जाईल, अशी परिस्थिती आहे. परिणामी विखे यांना भाजपात प्रवेश करण्याशिवाय दुसरा पर्याय शिल्लक नसल्याचे राजकीय वर्तुळातून बोलले जाऊ लागले आहे.
दरम्यान, डॉ. सुजय विखे यांनी निवडक समर्थकांना मुंबई बोलावून घेतले आहे. तेथे काही कार्यकर्त्यांच्या उपस्थितीत उद्या भाजपात प्रवेश केला जाऊ शकतो, असे बोलले जाऊ लागले आहेत. मात्र त्यांच्या भाजप प्रवेशाबाबत विखे कुटुंबियानी अद्याप अधिकृतरीत्या काहीही जाहीर केलेले नाही.
पक्ष कार्यकर्त्यांचा विरोध