सईद अहमद अब्दुल हामिद (वय ५३) असे मृत्युमुखी पडलेल्या दुकानदाराचं नाव आहे. मिळालेल्या माहितीनुसार, सईद हमिद हे गेल्या कित्येक वर्षांपासून मालेगावातील सरदार चौकात आपले पानाचे दुकान चालवत होते. शुक्रवारी रात्री आठ वाजण्याच्या सुमारास त्यांच्या दुकानावर एक ग्राहक आला आणि त्यानं तंबाखूचं पाकिट मागितले. तंबाखूच्या पाकिटाचे १० रुपये देण्यासाठी ग्राहकानं हामिद यांना २० रुपयांची नोट दिली आणि त्यानं १० रुपयांचं नाणं ग्राहकाच्या हातावर ठेवलं. यावर ग्राहकानं नाण्याऐवजी १० रुपयांच्या नोटेची मागणी हामिद यांच्याकडे केली. यावरुन दोघांमध्ये वाद सुरू झाला आणि याचे पर्यवसान हाणामारीत झाले.
ग्राहकानं हामिद इतकी मारहाण केली की यामध्ये त्यांचा मृत्यू झाला. त्यांच्या चेहऱ्यावर गंभीर जखमा झाल्या, मोठ्या प्रमाणात रक्त वाहू लागले होते. दरम्यान, स्थानिकांनी रक्तानं माखलेल्या हामिद यांनी मनमाडमधील सरकारी हॉस्पिटलमध्ये दाखल केले. पण डॉक्टरांनी त्यांना मृत घोषित केलं. दरम्यान, आरोपीचा शोध पोलीस घेत आहे. मालेगाव शहर पोलीस स्टेशनचे पोलीस निरीक्षक या प्रकरणाचा तपास करत आहेत.
