कुख्यात गुन्हेगारांनी पेट्रोल टाकून पेटवले शेजाऱ्याचे घर

कुख्यात गुन्हेगारांनी शेजाऱ्याचे घर जाळण्याचा प्रयत्न केला. यामध्ये घराचा दरवाजा जळाला आहे. हा प्रकार मध्यरात्री एक वाजता चिकलठाणा येथील चौधरी कॉलनीत घडला. याप्रकरणी दोन आरोपींविरुद्ध सिडको एमआयडीसी पोलिस ठाण्यात गुन्हा दाखल करण्यात आला आहे. याप्रकरणी अशोक लक्ष्मण बनसोडे (३५, रा. चौधरी कॉलनी) यांनी तक्रार दाखल केली.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’8f22c1ef-c3a5-11e8-b7a4-9bcd495809a8′]
याबाबत पोलिसांनी दिलेली माहिती अशी की, बनसोडे यांच्या घराजवळच रेकॉर्डवरील कुख्यात आरोपी अनिल अंबादास माळवे व अरुण अंबादास माळवे हे दोघे राहतात. माळवे बंधु मध्यरात्री एक वाजेच्या सुमारास बनसोडे यांच्या घरासमोर आले. त्यांनी पेट्रोल टाकून बनसोडे यांच्या घराच्या दरवाजा पेटवून दिला व तेथून पळून गेले. आग लागल्याचे लक्षात आल्यानंतर बनसोडे यांनी तातडीने आग विझवली. या घटनेत बनसोडे यांचे सात हजार रुपयांचे नुकसान झाले. याप्रकरणी माळवे बंधूविरुद्ध गुन्हा दाखल करण्यात आला असून एपीआय जाधव हे तपास करत आहेत. अनिल अंबादास माळवे हा पोलिसांच्या रेकॉर्डवरील हिस्ट्रीशीटर आहे. त्याच्या विरुद्ध विविध पोलिस ठाण्यात चोरी, घरफोडी, अवैध दारू विक्री, मारहाण करणे आदी स्वरुपाचे गुन्हे दाखल आहेत. पोलिसांनी यापूर्वी त्याच्यावर हद्दपारीची कारवाई देखील केलेली आहे.
[amazon_link asins=’B078124279,B01LQQHI8I,B06XDKWLJH’ template=’ProductCarousel’ store=’policenama-100′ marketplace=’IN’ link_id=’34db61ad-c3a6-11e8-9af3-3db9f8fce574′]